ហេតុការណ៍នេះបានកើតឡើងនៅព្រឹកថ្ងៃទី២០កញ្ញា តាមជើងហោះហើរមួយរបស់ក្រុនហ៊ុនអាកាសចរណ៍ Jet Airway រស់ឥណ្ឌា។
តាមHindustan Times យន្ដហោះមួយរបស់ក្រុមហ៊ុនអាកាសចរណ៍ Jet Airwayឥណ្ឌា ដែលធ្វើដំណើរពីMumbai ទៅ Jaipur ចញដំណើរនៅព្រឹកថ្ងៃ២០កញ្ញា បានវិលត្រឡប់មកកន្លែងដើមវិញ ក្រោយពេលហោះហើរបាន៤៥នាទី ព្រោះតែអ្នកបើកបរយន្តហោះបានភ្លេចសម្រួលសម្ពាធក្នុងកាប៊ីនធ្វើឱ្យអ្នកដំណើររាប់សិបនាក់បានចេញឈាមតាមច្រចៀកនិងច្រមុះ។
យន្តហោះBoeing 737 ដែលដឹកអ្នកដំណើរ១៦៦នាក់ ក្នុងនោះមានអ្នកដំណើរយ៉ាងតិច៣០នាក់បានហូរឈាមពីច្រមុះ ត្រចៀកនិងអ្នកដទៃទៀតមានអាការៈឈឺក្បាលខ្លាំង។
តាមលោក Lalit Gupta អគ្គនាយករងអាកាសចរណ៍ស៊ីវិលឥណ្ឌា(DGCA) ឱ្យដឹងថា នៅពេលចាប់ផ្តើមបង្កើនកម្ពស់ អ្នកបើកបរបានភ្លេចសម្រួលសម្ពាធក្នុងកាប៊ីនអ្នកដំណើរធ្វើឱ្យម៉ាស់មុខអុកស៊ីហ្សែនធ្លាក់ចុះ។
យន្ដហោះបានចុះចតដោយសុវត្ថិភាពនៅMumbai ខណៈពេលដែលមនុស្សជាច្រើនត្រូវបានព្យាបាលនៅនឹងកន្លែងនិងមនុស្ស៨នាក់ត្រូវបានបញ្ជូនទៅកាន់មន្ទីរពេទ្យ។ក្រោយមកអ្នកដំណើរត្រូវបានប្តូរទៅកាន់យន្តហោះផ្សេងទៀតដើម្បីបន្តដំណើរ។
នៅថ្ងៃដដែលនោះ ក្រុមអ្នកបើកបរយន្ដហោះបានត្រូវផ្អាកការងារ ដើម្បីបម្រើឱ្យការស៊ើបអង្កត៕
លីសា