ភ្នំពេញ៖ ក្រុមហ៊ុនកាល់តិចកម្ពុជា បានចេញមកអះអាងថា ការទិញកាល់តិចនៅហុងកុង មិនពាក់ព័ន្ធជាមួយប្រតិបត្តិការរបស់កាល់តិចនៅកម្ពុជាឡើយ។
តាមរយៈសេចក្តីថ្លែងការណ៍នៅថ្ងៃទី១៦ ខែកុម្ភៈ ឆ្នាំ២០២៦ កាល់តិចកម្ពុជា បានបញ្ជាក់ថា «យើងសូមអនុញ្ញាតបញ្ជាក់ឱ្យបានច្បាស់ថា ការទិញកាល់តិចនៅហុងកុង ដោយក្រុមហ៊ុន Bangchak Corporation ពាក់ព័ន្ធតែជាមួយប្រតិបត្តិការរបស់ក្រុមហ៊ុន Chevron Hong Kong នៅហុងកុង តែប៉ុណ្ណោះ ហើយមិនពាក់ព័ន្ធជាមួយប្រតិបត្តិការរបស់ក្រុមហ៊ុន Chevron Cambodia នៅកម្ពុជាឡើយ» ។
កាល់តិចកម្ពុជា បានបញ្ជាក់ទៀតថា Chevron Cambodia នៅកម្ពុជា មិនមានទំនាក់ទំនងណាមួយជាមួយក្រុមហ៊ុន Bangchak ឬក្រុមហ៊ុនថៃណាមួយទេ។ ប្រេងឥន្ធនៈរបស់ កាល់តិចកម្ពុជា ត្រូវបាននាំចូលទាំងស្រុងពីប្រទេសសិង្ហបុរី ហើយរាល់ប្រតិបត្តិការ ការផ្គត់ផ្គង់ប្រេងឥន្ធនៈ និងរាល់ការគ្រប់គ្រងម៉ាកយីហោរបស់នៅកម្ពុជា នៅតែដំណើរការដូចធម្មតា ដោយគ្មានការផ្លាស់ប្តូរណាមួយឡើយ ៕រក្សាសិទ្ធដោយ៖សុទ្ធលី
