កម្ពុជា និងសាធារណរដ្ឋកៀហ្ស៊ី បានបញ្ជាក់ជាថ្មីនូវការប្តេជ្ញាចិត្តក្នុងការពង្រឹងកិច្ចសហប្រតិបត្តិការលើវិស័យពាណិជ្ជកម្ម ទេសចរណ៍ សុខាភិបាល និងអប់រំ ព្រមទាំងបន្តស្វែងរកកាលានុវត្តភាពថ្មីៗ

ប្រទេសស្វីស: នៅថ្ងៃទី២៣ ខែកុម្ភៈ ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារទ្វេភាគីជាមួយ ឯកឧត្តម Zheenbek Kulubaev រដ្ឋមន្ត្រីការបរទេស នៃសាធារណរដ្ឋកៀហ្ស៊ី នៅទីក្រុងហ្សឺណែវ ប្រទេសស្វីស។

កម្ពុជា និងសាធារណរដ្ឋកៀហ្ស៊ី បានបញ្ជាក់ជាថ្មីនូវការប្តេជ្ញាចិត្តក្នុងការពង្រឹងកិច្ចសហប្រតិបត្តិការលើវិស័យពាណិជ្ជកម្ម ទេសចរណ៍ សុខាភិបាល និងអប់រំ ព្រមទាំងបន្តស្វែងរកកាលានុវត្តភាពថ្មីៗ ដើម្បីលើកកម្ពស់ទំនាក់ទំនង នៃប្រទេសទាំងពីរឱ្យឈានដល់កម្រិតថ្មីមួយទៀត បន្ទាប់ពីប្រទេសទាំងពីរបានអបអរសាទរខួបលើកទី៣០ នៃការបង្កើតទំនាក់ទំនងការទូតក្នុងឆ្នាំ២០២៥ កន្លងទៅ។

ឯកឧត្តមឧបនាយករដ្ឋមន្ត្រីក៏បានជម្រាបជូនឯកឧត្តមអំពីវឌ្ឍនភាពថ្មីៗនៃជម្លោះព្រំដែនកម្ពុជា-ថៃផងដែរ៕ រក្សាសិទ្ធដោយ៖សុទ្ធលី