សព្វថ្ងៃនេះ យើងសង្កេតឃើញថា មានទីផ្សារលក់ផលិតផលសម្ផស្ស ជាពិសេឡេធ្វើឲ្យសាច់សខ្ចី ភ្លឺរលោង បានកំពុងរីកដូចផ្សិតនៅលើអ៊ិនធើរណែតទូទាំងពិភពលោក ។
ឡេលាបស្បែកប្រភេទ skin whitening, skin lightening និង skin bleaching គឺសំដៅទៅលើការអនុវត្តន៍ការប្រើប្រាស់សារធាតុគីមី ក្នុងគោលបំណងធ្វើឲ្យស្បែកគុណស្បែកភ្លឺរលោង ឬ សូម្បីផ្តល់ឲ្យស្បែកស្អាត ដោយកាត់បន្ថយការប្រមូលផ្តុំមេឡានីននៅក្នុងស្បែក ។ មនុស្សជាច្រើនក្នុង១ថ្ងៃៗបានខិតខំយ៉ាងខ្លាំង ដើម្បីទទួលបានស្បែកស្អាត និងល្អឥតខ្ចោះ ខណៈទីផ្សារថែរក្សាសម្ផស្សនេះកំពុងតែជោរជន់នៅលើអនឡាញ ។
បណ្តារូបថតថ្មីៗរបស់នារីវ័យក្មេងម្នាក់ ដែលមានស្បែកសឡើងចាំង បានកំពុងទទួលការចាប់អារម្មណ៍នៅលើបណ្តាញសង្គម ។ ជាការពិតណាស់ ស្បែករបស់នាង គឺថាសចាប់តាំងពីក្បាលរហូតដល់ចុងជើងតែម្តង ។
ផ្អែកតាមបណ្តារូបភាពខាងក្រោមនេះ នៅលើគណនីរបស់នាងឈ្មោះថា Srëÿ Pøv នោះ ស្រី ពៅ អាចជាអ្នកលក់ផលិតផលឡេធ្វើឲ្យស្បែកស ជាជនជាតិខ្មែរដ៏ល្បីមួយរូបនៅលើអនឡាញ ។
ទោះយ៉ាងណា ពុំមែនគ្រប់ផលិតផលស្បែកទាំងអស់សុទ្ធតែដូចគ្នានោះទេ ព្រោះការពិតថា យើងទាំងអស់គ្នាមានប្រភេទស្បែកខុសៗគ្នា និងមានកត្តាផ្សេងៗផងដែរ ។ ដូច្នេះ មុននឹងប្រើប្រាស់ផលិតផលថែរក្សា និងធ្វើឲ្យស្បែកសទាំងនោះ ចូរត្រួតពិនិត្យមើលឲ្យបានហ្មត់ចត់ឡើងវិញ និងព័ត៌មានផ្តល់មកវិញរបស់ពួកគេ ដើម្បីចៀសវាងផលវិបាកណាមួយកើតឡើងគួរឲ្យសោកស្តាយ ៕ ដោយ៖ ចន្ទី
