បន្ទាយមានជ័យ ៖ ជនសង្ស័យពាក់ព័ន្ធលក់ និងជក់គ្រឿងញៀន២នាក់ ត្រូវកងរាជអាវុធហត្ថក្រុងប៉ោយប៉ែត ចាប់ខ្លួនបញ្ជូនទៅអោយអហខេត្តកសាងសំណុំរឿងបញ្ជូនបន្តទៅតុលាការកាលពីថ្ងៃទី៣ខែធ្នូ ឆ្នាំ២០១៧ ។
លោក នួន នីណារ៉ូ មេបញ្ជាការរងមូលដ្ឋានកងរាជអាវុធហត្ថក្រុងប៉ោយប៉ែត បានឲ្យដឹងថា :ជនសង្ស័យដែលសមត្ថកិច្ចចាប់ខ្លួនមាន១/ឈ្មោះ រ៉ា ឆាយឌី ភេទប្រុស អាយុ១៩ឆ្នាំ រស់នៅភូមិចាន់គីរី សង្កាត់ប៉ោយប៉ែត និង២ឈ្មោះ លី ស៊ាវឡេង ភេទប្រុស អាយុ១៦ឆ្នាំ ស្នាក់នៅផ្ទះជួលមួយកន្លែងក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ជនសង្ស័យទាំង២នាក់បានសារភាពថា ថ្នាំញៀនទាំងនេះគឺពួកគេទិញពីបុរសម្នាក់ឈ្មោះ យ៉ត ហៅពៅ អាយុប្រហែល២៥ឆ្នាំ រស់នៅក្បែរវត្តស្រះត្រាច ហើយថ្នាំញៀនទាំងនេះគឺទិញយកមកជក់នៅក្នុងបន្ទប់ទឹកកាស៊ីណូផារ៉ាមេក៕ ដោយ៖ បន្ទាយ