ភ្នំពេញ-ជាការរួមចំណែកកាត់បន្ថយបទចម្រៀងដែលគ្មានគុណភាពនឹងលួចចម្លងស្នាដៃពីគេ តារាស្រីវ័យក្មេង កញ្ញា
ឈីងឈីង បានលេចស្នាដៃថ្មីរបស់ខ្លួនមួយបទទៀតហើយ ដែលជាស្នាដៃនិពន្ធទំនុកភ្លេងថ្មី Original Song បទ “បែកពីបងអូនត្រូវរៀនរស់ខ្លួនឯង”។
ជាមួយនឹងអត្ថន័យចាក់ដោតអារម្មណ៍ដោយសារតែស្នេហាក្បត់ចិត្ត បានប្រែក្លាយបទចម្រៀងមួយបទនេះទៅជាបទចម្រៀងដែល ថតចេញជា MV ភ្ជាប់ជាមួយនឹងឈុតរោលរាលស្នេហា។
សូមរំលឹកថា កញ្ញា ឈីង ឈីង ជាតារាចម្រៀងលេចធ្លោម្នាក់ ក្នុងផលិតកម្ម ភី (P Production) តាមរយៈបទចម្រៀងក្នុងផលិតកម្មមួយនេះ ធ្វើឲ្យ ឈីង ឈីង មានការគាំទ្រច្រើននៅលើទីផ្សារ។ ម្ល៉ោះហើយខាងផលិតកម្មនៅតែរំលេច សម្រិតសម្រាំងយកបទថ្មីៗ ជូននាងច្រៀងជាប្រចាំ។
ងាកមកចាប់អារម្មណ៍នឹងឈុតសម្តែងកាយវិកាក្នុងអត្ថន័យបទចម្រៀងដែលសម្តែងដោយតារាសម្តែងស្រីថ្មី និងតារាសម្តែងប្រុស DJ Mike គឺមានភាពស៊ីសង្វាក់គ្នា ត្បិតឈុតឆាករោលរាលក្តៅសាច់ តែនាងនៅតែសម្តែងរួមគ្នាជាមួយMike បានល្អ។
តោះស្តាប់ចម្រៀងមួយបទនេះ បន្តិចទៅមើល ! ថាពិរោះ និងមានឈុតសម្តែងអ្វីខ្លះ? ដោយ-គីម ស្រីរ័ត្ន