ស្ត្រីសញ្ជាតិឥណ្ឌាម្នាក់ បង្ខំចិត្តត្រូវរំលូតកូនចោល ព្រោះគ្រួសារពុំយល់ព្រមទទួលស្គាល់ទារកនេះ។ ប៉ុន្តែ ១៥ឆ្នាំក្រោយ ទារកដែលត្រូវគេ “សម្លាប់” បានលងក្រុមវេជ្ជបណ្ឌិតសារជាថ្មី ព្រោះថា ៖ វានៅកន្លែងដដែលទាស់ត្រង់ក្លាយជាដុំសិលា។
៣ឆ្នាំកន្លងទៅថ្មីៗនេះ ស្ត្រីជាម្តាយឈឺពោះពុំឈប់ឈរ ហើយក្អួតចង្អោររហូត។ នាងបានទៅជួបវេជ្ជបណ្ឌិតជាច្រើន តែគេចេញវេជ្ជបញ្ជាថ្នាំ… ក្រពះ។
ក្រោយការថត X-Ray ទើបដឹងថា ទារកក្នុងស្បូនរបស់គាត់វាពុំបានចាកចេញទៅណាទេ។ ភ្លាមៗនោះក្រុមគ្រូពេទ្យបានប្រើពេល ២ម៉ោងដើម្បីជម្រះ “បំណុលចាស់”។
បណ្ឌិត Nilesh Junankar ប្រាប់ថា ៖ តាមរយៈការថតឆ្លុះនោះឃើញពោះវៀនរបស់គាត់ត្រូវស្ទះ…។ ធម្មតាទារកក្នុងគភ៌ប្រសិនបើវាស្លាប់ នោះវានឹងរលួយ ថែមទាំងអាចនាំឲ្យមានការឆ្លងមេរោគ។ ប៉ុន្តែការណ៍ដ៏ចម្លែកមួយនេះ គឺទារកនោះវា “អប់សព” វាដោយខ្លួនឯង តាមរយៈការប្រមូលផ្តុំអំបិល ហើយប្រែក្លាយជា…ថ្ម។
ប្រការញាក់សាច់នោះ គឺថ្វីបើមាន “ទារកថ្ម” នៅក្នុងពោះយ៉ាងនេះក្តី តែស្បូន ដៃស្បូនរបស់ស្ត្រីជា…”ម្តាយ” រូបនេះ មានសភាពធម្មតាទាំងស្រុង។
នាងទម្លាយប្រាប់ថា ៖ នាងបានបាត់រដូវតាំងពី ៥ឆ្នាំក្រោយរំលូតកូន ព្រមទាំងងឿងឆ្ងល់ណាស់ ដោយសារពេលនោះក្រុមគ្រូពេទ្យប្រាប់ថា គេបានយក “ទារក” នោះចេញបាត់ហើយ៕ អាទិត្យ
