ភ្នំពេញ៖ ២នាក់ប្ដីប្រពន្ធរងរបួសធ្ងន់ប្រពន្ធដាច់ប្រអប់ជើងខាងឆ្វេងដោយសាររថយន្ដបែនដឹកថ្មក្រឡាប់កិនលើម៉ូតូដែលកំពុងធ្វើដណើរ ហេតុការណ៍គ្រោះថ្នាក់នេះកើតឡើងកាលពីម៉ោង១១ និង៣០ នាទីព្រឹកថ្ងៃទី១២ ខែមករា ឆ្នាំ២០១៨ នៅចំណុចរង្វង់មូលដីក្រហម ស្ថិតនៅភូមិកណ្ដាល សង្កាត់រលួស ខណ្ឌដង្កោ ។ ជនរងគ្រោះប្ដីប្រពន្ធមិនទាន់បានស្គាល់អត់សញ្ញាណទេ ។ អ្នកបើកបររថយន្ដមានឈ្មោះ ឃុន វិបុល អាយុ២១ ឆ្នាំមុខរបរ បើករថយន្ដ មានទីលំនៅភូមិត្រពាំងថ្ម ឃុំរបើក ស្រុក ឈូក ខេត្ដកំពត ។
អ្នកនៅកន្លែងកើតហេតុបានប្រាប់អោយដឹងថា មុនពេលកើតហេតុគេបានឃើញរថយន្ដប៉ែនដឹកថ្មមួយគ្រឿងដែលពាក់ស្លាកលេខ ភ្នំពេញ3C-9368 បើកក្នុងល្បឿនលឿនតាមបណ្ដោយផ្លូវ៣១Aទិសដៅពីត្បូងទៅជើងបានបួងចង្កូតយ៉ាងខ្លាំងបណ្ដាលអោយក្រឡាប់ផ្ងារជើងម្ខាង និងបានសន្កត់ម៉ូតូសងកូរេ មួយគ្រឿងបណ្ដាលអោយប្ដីប្រពន្ធដែលកំពុងធ្វើដំណើរតាមផ្លូវតែម្ដង ។
ក្រោយពេលកើតហេតុកម្លាំងសមត្ថកិច្ចបានចុះទៅដល់កន្លែងកើតហេតុនិងឃាត់ខ្លួនតៃកុងរថយន្ដយកទៅសាកសួរ ។ ដោយឡែករថយន្ដបង្កនិងម៉ូតូរងគ្រោះសមត្ថកិច្ចចុះធ្វើការស្ទូចយកទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ ដើម្បីដោះស្រាយពេលក្រោយ ។
ប្រជាពលរដ្ឋបានលើកឡើងថា នៅតាមបណ្ដោយផ្លូវកើតហេតុខាងលើនេះតែងតែរថយន្ដធន់ធំជាច្រើនបើកឆ្លងកាត់មិនប្រណីដល់អ្នកដែលធ្វើនៅតាមផ្លូវខាងលើនេះ ជាពិសេសក្មេងៗសិស្សសាលាផងដែរ៕ ដោយ៖បញ្ញាស័ក្តិ
