ប្រទេសជប៉ុនបានឲ្យដឹងនៅថ្ងៃសុក្រ ទី១៥នេះថា ខ្លួនបានបញ្ជូលក្រុមហ៊ុនបរទេសចំនួន ១៩បន្ថែមទៀត ទៅក្នុងបញ្ជីស្ថាប័ន និងបុគ្គលដែលនឹងត្រូវទទួលរងការបង្កកទ្រព្យសម្បតិ្តជុំវិញការមានទំនាក់ទំនងជាមួយនឹងកូរ៉េខាងជើង។បញ្ជីទណ្ឌកម្មរបស់ជប៉ុនឥឡូវនេះសរុបមានក្រុមហ៊ុនរហូតដល់ ១០៣ និងបុគ្គលចំនួន ១០៨នាក់ ដោយរួមមាន ក្រុមហ៊ុនចិនចំនួន ៧ បុគ្គលជនជាតិចិន ៥នាក់ ក្រុមហ៊ុនសិង្ហបុរី ១ និងក្រុមហ៊ុនណាមីលៀនចំនួន ២ផងដែរ។
ការដាក់បញ្ជូលក្រុមហ៊ុនបរទេសក្នុងបញ្ជីទណ្ឌកម្មគឺដោយសារតែក្រុមហ៊ុនទាំងនោះមានទំនាក់ទំនងជាមួយកូរ៉េខាងជើងតាមរយៈ ហិរញ្ញវត្ថុ ការធ្វើជំនួញផ្នែកធ្យូងធ្ម និងរ៉ែ ការដឹកជញ្ជូន និងការបញ្ជូនកម្មករកូរ៉េខាងជើងទៅក្រៅប្រទេស។ នេះបើតាមការបញ្ជាក់របស់ក្រសួងការបរទេសជប៉ុន ក្នុងសេចក្តីថ្លែងការ។
ប្រទេសជប៉ុនបានដាក់ទណ្ឌកម្មយ៉ាងតឹងរឹងរួចមកហើយលើកូរ៉េខាងជើង ដោយរួមមានការហាមប្រាមការធ្វើជំនួញលើផលិតផលភួយ និងការមិនឲ្យកប៉ាល់ចូលចត់។
ការពង្រឹងទណ្ឌកម្មបន្ថែមនេះកើតឡើង ក្រោយពេលកូរ៉េខាងជើងទើបតែបាញ់សាកល្បងមីស៊ីលរយៈចំងាយឆ្ងាយនាពេលថ្មីៗនេះ ហើយមីស៊ីលរបស់កូរ៉េខាងជើងជារឿយៗធ្លាក់ចូលតំបន់សេដ្ឋកិច្ចផ្តាច់មុខរបស់ជប៉ុន៕ សុភ័ក្ត្រ
