ស្ត្រីជនជាតិអង់គ្លេសម្នាក់ ដែលធ្វើការនៅស្ថានទូតចក្រភពអង់គ្លេសក្នុងរដ្ឋធានី បីរូត (Beirut) ប្រទេសលីបង់ ត្រូវបានគេចាប់រំលោភ និងរឹតកសម្លាប់។ នេះបើតាមការចេញផ្សាយរបស់សារព៌តមាន BBC នៅព្រឹកថ្ងៃច័ន្ទ។
បើតាមប៉ូលីសរបស់ប្រទេសលីបង់បានឲ្យដឹងថា សាកសពរបស់ជនរងគ្រោះឈ្មោះ Rebecca Dykes ត្រូវបានគេប្រទះឃើញនៅលើផ្លូវកាលពីថ្ងៃសៅរិ៍។
នាងត្រូវបានគេចាប់រំលោភផ្លូវភេទ និងរឹតកសម្លាប់។
ក្រុមគ្រួសាររបស់នាងបានថ្លែងនៅក្នុងសេចក្តីប្រកាសថា “ពួកយើងមានអារម្មណ៏រន្ធត់ចំពោះការបាត់បង់ Rebecca ជាទីស្រឡាញ់។ ពួកយើងនឹងធ្វើអ្វីគ្រប់បែបយ៉ាងដែលពួកយើងអាចធ្វើ ដើម្បីឲ្យបានដឹងថាមានអ្វីកើតឡើងចំពោះនឹង”។ ពួកគេក៏បានស្នើឲ្យប្រពន្ធផ្សព្វផ្សាយគោរពដល់ការសម្ងាត់របស់ពួកគេផងដែរ។
កញ្ញា Rebecca Dykes បានបំរើការងារនៅស្ថានទូតចក្រភពអង់គ្លេសជាអ្នកគ្រប់គ្រងកម្មវិធី និងគោលនយោបាយ ក្នុងរដ្ឋធានីបីរូត ចាប់តាំងពីខែមករា ឆ្នាំ ២០១៧មកម្លេះ។ នាងធ្វើការដោយនាយកដ្ឋានសំរាប់ការអភិវឌ្ឍន៏អន្តរជាតិ។
ប៉ូលីសលីបង់បញ្ជាក់ថា ពួកគេកំពុងធ្វើការស៊ើបអង្កេតលើករណីនេះ៕ សុភ័ក្ត្រ
