ភ្នំពេញ ៖ អ្នកនាំពាក្យអគ្គស្នងការនគរបាលជាតិបានឲ្យដឹងថា តាមការបញ្ជាក់របស់ម្ដាយមន្ត្រីនគរបាលរូបនោះ បានឲ្យដឹងថា ក្នុងអំឡុងពេលប្រមាណជាមួយខែចុងក្រោយនេះ កូនរបស់គាត់ហាក់បីដូចជាមានអាកប្បកិរិយា និងសកម្មភាពចម្លែកៗជាច្រើន ដែលសង្ស័យថា អាចមានបញ្ហាខួរក្បាល ហើយអគ្គស្នងការរដ្ឋាននគរបាលជាតិបានណែនាំដល់សាម៉ីអង្គភាពទទួលយកមន្ត្រីនគរបាលរូបនោះ ទៅអប់រំណែនាំឡើងវិញ និងប្រគល់ជូនឪពុកម្ដាយ ដើម្បីយកទៅពិនិត្យព្យាបាល។
អគ្គស្នងការនគរបាលជាតិបានចេញសេចក្តីបំភ្លឺពាក់ព័ន្ធករណីមន្ត្រីនៃអង្គភាពនគរបាលជាតិទឹកមួយរូបដែលត្រូវមិនដាយសង្គមផ្សព្វផ្សាយអំពីសកម្មភាពយក ipad ពីផ្ទះវេប្រាក់មួយកន្លែង។ ពាក់ព័ន្ធនឹងករណីនេះអ្នកនាំពាក្យនៃអគ្គស្នងការនគរបាលជាតិសូមបញ្ជាក់ថាមន្ត្រីនគរបាលនៃអង្គភាពជើងទឹកមួយរូបឋានៈអនុសេនីយ៍ឯកពិតជាបានយក ipadពីផ្ទះវេលុយដែលមានអាសយដ្ឋាននៅខណ្ឌទួលគោកប្រាកដមែន ប៉ុន្តែផ្អែកតាមលទ្ធផលនៃការស្រាវជ្រាវនិងការប្រមូលផ្ដុំព័ត៌មានបំភ្លឺបន្ថែមពីអ្នកពាក់ព័ន្ធបានបង្ហាញថា បន្ទាប់ពីយក ipad ពីផ្ទះពេលលុយរួចមក មន្ត្រីរូបនោះបានជម្រាបម្ដាយរបស់ខ្លួនឲ្យទូរស័ព្ទទៅប្រាប់ម្ចាស់ផ្ទះថាខ្លួនបានយក ipad និងស្នើម្ដាយយកអាយផេតទៅឲ្យម្ចាស់ផ្ទះវេរលុយនោះវិញ។ តាមការបញ្ជាក់របស់ម្ចាស់ផ្ទះវេលុយបានទទួលស្គាល់ថាស្ដាយរបស់មន្ត្រីនគរបាលនោះពិតជាបានទូរសព្ទមកប្រាប់អំពីករណីនេះនិងបានយក ipad មកប្រគល់អោយខ្លួនម្ចាស់ផ្ទះវេរលុយផងដែរ។ ជាមួយគ្នានេះដែរម្ចាស់ផ្ទះវេលុយនោះក៏ព្រមទទួលយក ipad និងការសុំទោសដោយពុំមានដាក់ពាក្យប្ដឹងប្តល់អ្វីឡើយ។
អ្នកនាំពាក្យបានបន្ថែមថាផ្អែកតាមការពិនិត្យលើស្ថានភាពគ្រួសាររបស់មន្ត្រីនគរបាលនោះឃើញថាមានជីវភាពធូរធារដែលពុំមានហេតុផលណាបញ្ជាក់ថាគាត់មានការខ្វះខាតរហូតដល់ប្រព្រឹត្តអំពើចោរកម្មឡើយ។
សូមបញ្ជាក់ថាក្នុងខណៈពេលដែលមន្ត្រីរូបនោះទៅដកប្រាក់ពីផ្ទះវេលុយនឹងយក ipad ពីផ្ទះនោះមកគឺរូបគេបានជិះរថយន្តផ្ទាល់ខ្លួនម៉ាក range rover។ អ្នកនាំពាក្យបានបន្ថែមទៀតថាតាមការបញ្ជាក់របស់ម្ដាយមន្ត្រីនគរបាលរូបនោះបានឲ្យដឹងថាក្នុងអំឡុងពេលប្រមាណជាមួយខែចុងក្រោយនេះកូនរបស់គាត់ហាក់បីដូចជាមានអាកប្បកិរិយានិងសកម្មភាពចម្លែកចម្លែកជាច្រើនដែលសង្ស័យថាអាចមានបញ្ហាខួរក្បាល។ អាស្រ័យហេតុផលខាងលើនេះអគ្គស្នងការរដ្ឋាននគរបាលជាតិបានណែនាំដល់សាម៉ីអង្គភាពទទួលយកមន្ត្រីនគរបាលរូបនោះទៅអប់រំណែនាំឡើងវិញនិងប្រគល់ជូនឪពុកម្ដាយដើម្បីយកទៅពិនិត្យព្យាបាល។
ជាមួយនឹងករណីមន្ត្រីនគរបាលខាងលើនេះដែរ លោកហ៊ុន ជា ដែលជាមន្ត្រីនគរបាលជាន់ខ្ពស់ និងជាក្មួយរបស់សម្ដេចនាយករដ្ឋមន្ត្រីផងដែរ ក៏បានចេញវាចានៅលើផេកហ្វេសប៊ុក ដោយសរសេរថា “ចោរវាអាចកែខ្លួនមកល្អបាន ហើយរកការងារល្អធ្វើបាន តែបើអ្នកមានការងាល្អ ក្នុងសង្គមធ្វើហើយ បែរមកចាប់យកការងារចោរមកដាក់ខ្លួនវិញគួរតែ ( អភិក្រម ៥ ) ហើយមានទោសទៀតបានល្អបាទ នេះជាការគិតរបស់ ហ៊ុន ជា បាទ ដើម្បីខ្មែរ បាទ ការងារសន្តិសុខ (ជាតិផង បាទ )”។
លោកពេជ្រស្រស់ប្រធានគណបក្សយុវជនកម្ពុជានិងជាសមាជិកឧត្តមក្រុមប្រឹក្សាពិគ្រោះនិងផ្ដល់យោបល់នៅថ្ងៃទី ៣១ ខែឧសភានេះបានសរសេរលើហ្វេសប៊ុកថា ករណីនេះមិនត្រូវបញ្ចប់ដោយបែបនេះទេ ពីព្រោះទង្វើរនេះ គឺ ជាទង្វើបន្ថោកបន្ទាប ដល់កេរ្តិ៍ឈ្មោះ មន្ត្រីប៉ូលីសផ្សេងទៀត ហើយក៏អោយមហាជនអស់ជំនឿលើអ្នកអនុវត្តច្បាប់ផងដែរ ដូច្នេះគឺក្នុងនាមខ្ញុំជាអ្នកឃ្លាំមើលការអនុវត្តច្បាប់ ខ្ញុំសូមស្នើដល់ឯកឧត្តម នេត សាវឿន និងអ្នកអនុវត្តច្បាប់ដទៃទៀត សូមចាត់ការបុគ្គលនេះតាមវិន័យច្បាប់ឲ្យបានតឹងរឹងបំផុត ដើម្បីធានាបាននូវការពង្រឹងអំណាចច្បាប់ និងលើកមុខមាត់ស្ថាប័នកងកម្លាំងឡើងវិញ”។
ជាមួយនឹងករណីនេះដែរលោក នុត សវនា អ្នកនាំពាក្យអគ្គនាយកដ្ឋានពន្ធនាគារ នៅថ្ងៃទី ៣១ ឧសភា ក៏បានសរសេរលើហ្វេសប៊ុកផងដែរថា “ជូនចំពោះបងប្អូនអ្នកលក់ពេជ្យទាំងឡាយ បើខ្ញុំលួចហើយ ច្រឡំដើរចេញទៅបាត់ដោយមិនបានបង់ប្រាក់ សូមកុំចោទខ្ញុំថាចោរ ចាំខ្ញុំនឹកឃើញយកមកសងពេលណា យើងរួចគ្នាពេលនោះ”។
សូមបញ្ជាក់ផងដែរថា មន្ដ្រីនគរបាលពាក់ស័ក្ដិ៣ ដែលបន្លំលួច iPad មិនមែនជាករណីលួចទេ គឺជាករណីច្រឡំ នេះជាការលើកឡើងរបស់លោកនាយឧត្តមសេនីយ៍អគ្គស្នងការនគរបាលជាតិ។ លោកនាយឧត្តមសេនីយ៍នេតសាវឿន អគ្គស្នងការនគរបាលជាតិ បានបញ្ជាក់ថា ករណីមន្ដ្រីនគរបាលពាក់ស័ក្ដិ៣ ដែលបន្លំលួច iPad នៅហាងវេរលុយវីងនោះ មិនមែនជាករណីលួចទេ គឺជាករណីច្រឡំ ហើយភាគីទាំងពីរទាំងខាងម្ចាស់ហាង និងមន្ត្រីនគរបាល ក៏បានសម្របសម្រួលបញ្ចប់។
មន្ដ្រីនគរបាលពាក់ស័ក្ដិ៣ នៅនាយកដ្ឋានការពារព្រំដែនទឹក ដែលបន្លំលួច iPad មួយគ្រឿង នៅហាងវីងមួយកន្លែង នៅខណ្ឌទួលគោក ហើយត្រូវបានបញ្ជូនបន្ដមកសួរនាំ នៅនាយកដ្ឋាននគរបាលព្រហ្មទណ្ឌនោះ នៅពេលនេះសមត្ថកិច្ចបានអនុញ្ញាតឲ្យត្រឡប់ទៅផ្ទះវិញហើយ ក្រោយធ្វើកិច្ចសន្យា និងមានអ្នកធានា។
នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានថ្លែងប្រាប់ ឲ្យដឹងនៅព្រឹកថ្ងៃទី៣១ ខែឧសភា ឆ្នាំ២០១៩នេះថា បន្ទាប់ពីបញ្ចប់ការសួរនាំនៅនាយកដ្ឋាននគរបាលព្រហ្មទណ្ឌ មន្ដ្រីនគរបាលខាងលើ ត្រូវបានអនុញ្ញាតឲ្យត្រឡប់ទៅផ្ទះវិញហើយ ក្រោយធ្វើកិច្ចសន្យាអប់រំ និងអ្នកធានាត្រឹមត្រូវ។ ករណីនេះ មិនមែនជាករណីលួចទេ គឺជាករណីច្រឡំ ហើយភាគីទាំងពីរទាំងខាងម្ចាស់ហាង និងមន្ត្រីនគរបាល ក៏បានសម្របសម្រួលបញ្ចប់ហើយដែរ។ ម្ចាស់ហាងក៏មិនបានដាក់ពាក្យបណ្តឹងអ្វីដែរ។
មន្ត្រីនគរបាលពាក់ស័ក្តិ៣ បានធ្វើសកម្មភាពលួច iPad ក្នុងហាងមួយកន្លែង និងត្រូវម្ចាស់ហាងយកវីដេអូដែលថតដោយកាមេរ៉ាសុវត្ថិភាព មកបង្ហោះតាមបណ្តាញទំនាក់ទំនងសង្គមហេ្វសប៊ុក កាលពីថ្ងៃទី៣០ ខែឧសភា ឆ្នាំ២០១៩ ធ្វើឲ្យមហាជនមានការចាប់អារម្មណ៍ និងរិះគន់ជាខ្លាំង។
បើតាមការបញ្ជាក់បានឱ្យដឹងថា មន្ត្រីនគរបាលរពឹសដៃរូបនោះមានឈ្មោះហេង ហាប់ អាយុ២៥ឆ្នាំ បម្រើការងារនៅនាយកដ្ឋានព្រំដែនទឹក ក្រសួងមហាផ្ទៃ៕ ដោយ៖កូឡាប
