ខេត្តស្វាយរៀង ៖ មានអ្នករងរបួសធ្ងន់ ៥ នាក់ និងរងរបួសស្រាល ១២ នាក់ នៅក្នុងហេតុការណ៍គ្រោះថ្នាក់ចរាចរណ៍មួយបានកើតឡើងនៅភូមិ ថ្នល់កែង កណ្តៀងរាយ ស្រុកស្វាយទាប ខេត្តស្វាយរៀង នៅវេលាម៉ោង៦និង៤០នាទីព្រឹកថ្ងៃទី៣ ខែមិថុនា ឆ្នាំ២០១៩ ។
ហេតុការណ៍គ្រោះថ្នាក់ចរាចរណ៍ខាងលើនេះ ដែលបណ្តាលមកពីរថយន្តស្ទួចថយក្រោយទទឹងផ្លូវជាតិស្របពេលនោះមានរថយន្តកំពុងធ្វើដំណើរតាម ៣ ទៅ ៤ គ្រឿង បង្ខំចិត្តជាន់ហ្វ្រាំងបណ្តាលអោយបុកបន្តកន្ទុយគ្នាតែម្តង។
ប្រភពនៅកន្លែងកើតហេតុបានអោយដឹងថា ៖ មុនមានរថយន្តស្ទួចមួយគ្រឿង ពាក់ស្លាកលេខ ភ្នំពេញ 3E 6026 ថយក្រោយមកលើផ្លូវជាតិលេខ ១ ស្ថិតក្នុងភូមិ ថ្នល់កែង ឃុំ កណ្តៀងរាយ ស្រុក ស្វាយទាបខេត្តស្វាយរៀង (ទទឹងថ្នល់) ស្រាប់ពេលនោះមានរថយន្តហាយឡែនឌ័រ ពណ៌ទឹកមាស ពាក់ស្លាកលេខ 2AR 9861 ជាន់ហ្វ្រាំងជាប់ ហើយពេលនោះមានរថយន្តសាំយ៉ុង ២ គ្រឿង មកពីក្រោយបណ្តាលអោយបុកបន្តកន្ទុយគ្នារហូតដល់មានអ្នករងរបួសតែម្តង ។
ប្រភពបានបន្តទៀតថា ៖ លុះមកដល់ចំណុចខាងដោយមានរថយន្តប្វ្រាំងខាងមុខរថយន្តសាំយ៉ុងមួយគ្រឿង ពណ៌ លឿង ពាក់ស្លាកលេខ កំពង់ស្ពឺ 2A3239 ប្វ្រាំងមិនជាប់ទៅបុករថយន្តហាយឡែនឌ័រពីក្រោយហើយស្របពេលនោះមានរថយន្តសាំយ៉ុង ពណ៌ស ពាក់ស្លាកលេខ ភ្នំពេញ 2Q 4946 មួយគ្រឿងទៀត បុករុញពីក្រោយរថយន្តសាំយ់ុងពណ៌លឿងបណ្តាលអោយមានរងរបួសនិងសន្លប់តែម្តង។
បើយោងតាមប្រភពនៅកន្លែងកើតហេតុដដែលបានបញ្ជាក់ទៀតថា ៖ ក្រោយពីជួបគ្រោះថ្នាក់ចរាចរណ៍ខាងលើមានកម្មករ កម្មការិនីជាច្រើននាក់ ក្នុងរថយន្តសាំយ៉ុងដែលបំណងជិះទៅធ្វើការហើយក្នុងនោះមានអ្នករងរបួសចំនួន ១៧ នាក់ និងម្នាក់ ដោយដាច់សរសៃកែងជើងផងដែរ។ ហើយម្ចាស់រថយន្តទាំងអស់មានបម្របសម្រួលគ្នាដោយយករថយន្តទៅធ្វើ ។ អ្នករងរបួសទាំងអស់កំពុងសម្រាកព្យាបាលនៅមន្ទីរពេទ្យបង្អែកជីភូស្ថិតក្នុងក្រុងបាវិត៕ ដោយ ៖ វ៉ៃកូ