ភ្នំពេញ ៖ បុរសជនជាតិចិន ២ ក្រុម ភាគីម្ខាងដេីរម្នាក់ឯង ភាគីម្ខាងទៀតមានគ្នី ៣ នាក់ គ្រាន់តែដេីរប៉ះគ្នាតិចតួចសោះ ភាគីបង្កយកកូនកាំបិតចុងស្រួច ចាក់ទៅលេីជនរងគ្រោះជាច្រេីនកន្លែង បណ្ដាលរងរបួសធ្ងន់ធ្ងរ។
ករណីនេះកើតឡើងកាលពីព្រឹក ថ្ងៃទី៣ ខែមិថុនា ឆ្នាំ២០១៩ នេះនៅមុខស្ថានទូតចិនមហាវិថីម៉ៅសេទុង សង្កាត់ទួលទំពូង២ ខណ្ឌចំការមន រាជធានីភ្នំពេញ។ មានបុរសជនជាតិចិន ២នាក់ បានយកកាំបិតចាក់គ្នា បណ្តាលអោយរបួសម្នាក់ ហើយត្រូវសមត្ថកិច្ច ប៉ូលិសដឹកយកទៅសង្គ្រោះនៅមន្ទីរពេទ្យ ។
១.ជនដៃដល់ ឈ្មោះ HAN DONG ភេទប្រុស អាយុ៣៧ឆ្នាំ នៅខេត្តជាំងស៊ូ ប្រទេសចិន ។ ២.បក្សពួកឈ្មោះ Yan Xiao Er ភេទប្រុស អាយុ ៣៧ឆ្នាំ នៅខេត្តជាំងស៊ូ ប្រទេសចិន ។ ៣.ជនដៃដល់ ឈ្មោះ Yan Shi Chao ភេទប្រុស អាយុ ៣៧ឆ្នាំ នៅខេត្តជាំងស៊ូ ប្រទេសចិនហៅអាម៉ាប់(រត់គេចខ្លួន) ទាំង២នាក់សមត្ថកិច្ចកំពង់សាកសួរនាំ ហើយចំណែកជនបង្កហិង្សាម្នាក់ទៀត កំពុងស្រាវជ្រាវ ស្វែងរកចាប់ខ្លួន។
អ្នកដែលឃេីញហេតុការនោះនិយាយថា ឃេីញជនជាតិចិនចំនួន៣នាក់ បានដេីរនៅមុខស្ថានទូតរង់ចាំចូលស្ថានទូត តែក៏មានបុរសជនរងគ្រោះ ជាជនជាតិចិនម្នាក់ ដេីរប៉ះ ក៏ស្រាប់តែភាគីជនបង្ក ដកកូនកាំបិតពីហោប៉ៅ ចាក់ទៅលេីជនរងគ្រោះ បណ្ដាលដួលរងរបួសហូរឈាមស្រោចពេញខ្លួន។ ហើយ ភ្លាមៗជនបង្កក៏បានរត់ចេញ ពីកន្លែងកេីតហេតុផងដែរ។ ចំណែកជនរងគ្រោះ បានសមត្ថកិច្ចដឹកមកសង្គ្រោះ នៅមន្ទីរពេទ្យដេីម្បីព្យាបាលរបួស។
ជនចិនចិនចំនួន២នាក់ ដែលបានឆ្លេីយសារភាព ចំពោះមុខសមត្ថកិច្ចប៉ូលិសថា ខ្លួននិងបក្ខពួក៣នាក់ ហើយម្នាក់ឈ្មោះ Yan Xiao Er ភេទប្រុស អាយុ ៣៧ឆ្នាំ នៅខេត្តជាំងស៊ូ ប្រទេសចិន មិនបានចូលរួមយកកូនកាំបិត ចាក់ទេខ្លួននិងជនដៃដល់ ឈ្មោះ Yan Shi Chao ហៅអាម៉ាប់ភេទប្រុស អាយុ ៤២ឆ្នាំ នៅខេត្តជាំងស៊ូ ប្រទេសចិនដែលរត់គេចខ្លួន ចូលរួមចាក់ជនរងគ្រោះដែរ តែបានរត់គេចខ្លួនបាត់ ហើយដោយសារទំនាស់ បុរសជនរងគ្រោះ ដេីរទៅបុកមិត្តភក្តិខ្លួន ទេីបខឹងក៏ដកកូនកាំបិតចាក់តែម្ដង រួចនាំគ្នាចែកគ្នារត់ ក្រោមកក៏រត់មកដល់ផ្លូវ១៧៣ សង្កាត់ទំនប់ទឹក ខណ្ឌបឹងកេងកងរាជធានីភ្នំពេញ ក៏សមត្ថកិច្ចឃាត់បានតែម្ដង។
ជនសង្ស័យកំពុងឃាត់ខ្លួន បណ្តោះអាសន្ននៅអធិការដ្ឋាន ដើម្បីកសាងសំណុំរឿង បញ្ជូនទៅសាលាដំបូងរាជធានី ភ្នំពេញចាត់ការតាមច្បាប់៕ ដោយ៖កូឡាប
