ភ្នំពេញ៖ កាលពីល្ងាចថ្ងៃទី៤ ខែមិថុនាម្សិលមិញនេះ ភ្លៀងបានធ្លាក់យ៉ាងខ្លាំង នៅភូមិស្ងួនពេជ្រ សង្កាត់កន្ទោក ខណ្ឌកំបូល បានបណ្ដាលឱ្យបាក់បង្គោលភ្លើងអស់ ១៦ដើម និងបង្គោលភ្លើងបំភ្លឺផ្លូវ ២ ដើមផ្សេងទៀត តែសំណាងល្អមិនបង្កឲ្យអ្នកណាមានគ្រោះថ្នាក់ តែប្រជាជននៅតំបន់នោះ អាចនឹងគ្មានអគ្គិសនី ប្រើប្រាស់រហូតដល់ល្ងាចនេះ។
សូមជម្រាបជូនថា បើតាមសេចក្ដីប្រកាសព័ត៌មាន របស់ក្រសួងធនធានទឹកបានឱ្យដឹងថា ចាប់ពីថ្ងៃទី៥ ដល់ថ្ងៃទី១១ ខែមិថុនា ឆ្នាំ២០១៩ នៅកម្ពុជា នឹងមានភ្លៀងធ្លាក់ក្នុងកម្រិត ពីមធ្យមទៅបង្គួរ ហើយនៅឆ្នាំនេះ កម្ពុជាក៏បានរងឥទ្ធិពល El Nino ដែលធ្វើឱ្យមានខ្យល់ខ្លាំង ហើយមានរន្ទះកាចសាហាវ៕ ដោយ៖កូឡាប
