នៅរសៀលថ្ងៃព្រហស្បតិ៍ ទី៦ មិថុនានេះ មេឃភ្លៀងធ្លាក់ខ្លាំងបង្កឱ្យមាន ផ្គររន្ទះបាននៅខេត្តមួយចំនួន ក្នុងនោះបណ្ដាល អោយមនុស្សបួននាក់ បានស្លាប់នៅនឹងកន្លែងនិង ៤ នាក់ទៀតរងរបួសធ្ងន់ ត្រូវបញ្ជូនទៅមន្ទីរពេទ្យ និងមានគោងាប់៥ក្បាល។
ស្នងការដ្ឋាននគរបាលខេត្តក្រចេះ បានឲ្យដឹងថា មនុស្សយ៉ាងហោច៣នាក់ ក្នុងនោះមានម្តាយនិងកូនស្រី២នាក់ រស់នៅភូមិកែងប្រាសាទ ឃុំសំបូរ ស្រុកសំបូរ បានរងគ្រោះដោយសារន្ទះបាញ់ បណ្តាលអោយឆេះខ្លោចលើរាងកាយ តែមិនគ្រោះថ្នាក់ដល់អាយុជីវិត នៅពេលដែលពួកគេកំពុងតែដេក នៅខាងក្រោមផ្ទះ ខណៈមេឃកំពុងតែមានភ្លៀងខ្លាំង ។
ពួកគេត្រូវបានចាត់បញ្ជូនទៅសង្គ្រោះ នៅមណ្ឌលសុខភាពស្រុក ភ្លាមៗ នៅថ្ងៃទី៦ ខែមិថុនា។
នគរបាលមូលដ្ឋានស្រុកសំបូរនិយាយថា ស្ត្រីរងគ្រោះឈ្មោះ ប៉ិច ចន្ធូ អាយុ៣៣ ឆ្នាំ ជាម្តាយ បានរងរបួសធ្ងន់ធ្ងរដោយត្រូវ សន្លប់ស្តូក និងមានស្នាមឆេះរោលរាលលើរាងកាយ ប្រៀបដូចជាត្រូវភ្លើងឆេះ។ ចំនែកឯកូនស្រី២នាក់ទៀត ក៏រងរបួសដូចគ្នា ដោយខ្លះឆេះខ្លួន ឆេះជើង និងឆេះដៃជាដើម។
លោកឆាយ ធី មេឃុំប៉ាត់តេ បានឲ្យដឹងថា មានករណីរន្ទះបាញ់បណ្តាលឲ្យ ស្លាប់២នាក់ របួសធ្ងន់១នាក់ ដែលទីតាំងនៅចំណុចមុខសាលារៀនណងកាតុង ភូមិបាតាង ឃុំបាតាងខណ:ពេលដែលក្មេងកំពុងលេងបាល់ទាត់ នៅមុខសាលារៀន ណងកាតុង ភូមិបាតាង ។ ជនរង់គ្រោះបីនាក់ទេ ១.ឈ្មោះ ធ្វើន រ៉េន ភេទប្រុសអាយុ ១៤ឆ្នាំទំពួន មុខរបរ សិស្ស សាលារៀនថ្នាក់ទី០៦.( របួសធ្ងន់ ) ។
២.ឈ្មោះ យំ ថាយ ភេទប្រុស អាយុ១១ឆ្នាំ ជាជនជាតិទំពួន មុខរបរសិស្សសាលា រៀនថ្នាក់ទី០២ ( ស្លាប់)
៣.ឈ្មោះ លេង គឹមហ៊ ភេទប្រុសអាយុ១៨ឆ្នាំ មុខរបរសិស្សសាលារៀនថ្នាក់ទី០៦(ស្លាប់).ជនរងគ្រោះមានឈ្មោះខាងលើរស់នៅភូមិបាតាង ឃុំបាតាង ស្រុកលំផាត់ ខេត្តរតនគិរី ។
ក្រោយពេលកើតហេតុកម្លាំងប៉ុស្តិ៍បាន ចុះត្រួតពិន្យដល់ កន្លែងកើតហេតុផ្ទាល់ រួចក៍បានប្រគល់សព ជូនឪពុកម្តាយជនរងគ្រោះធ្វើបុណ្យតាមប្រពៃណី ចំណែក ឈ្មោះ ធ្វើន រ៉េន ភេទប្រុសនោះ បងប្អូនជនរងគ្រោះបានបញ្ជូនទៅមន្ទីរពេទ្យបង្អែកស្រុកលំផាត់ ។
ចំណែកលោក ឆឹង សុភា អធិការរងនគរបាលក្រុងសៀមរាប បានឲ្យដឹងថា កាលពីវេលាម៉ោងប្រមាណ២រសៀល នាថ្ងៃទី០៦ ខែមិថុនា ឆ្នាំ២០១៩នេះ មានករណីរន្ទះបាញ់មួយបានកើតឡើង នៅចំណុចផ្លូវគ្រួសក្រហមទៅភ្នំក្រោម ក្នុងភូមិអារញ្ញ សង្កាត់សៀមរាប ក្រុងសៀមរាប បណ្ដាលឲ្យបុរស ចំនួន២នាក់បានស្លាប់ភ្លាម ខណៈដែលជនរងគ្រោះ កំពុងដឹកទឹកសុទ្ធដើរលក់ ជួនមេឃភ្លៀង ហើយភ្លាមៗនោះ ជនរងគ្រោះបានចូល ទៅជ្រកក្នុងរោងតាមចិញ្ចើមផ្លូវ ក្បែរដើមត្រសេក ។
លោកឆឹង សុភា បានឲ្យដឹងទៀតថា ជនរងគ្រោះទី១ មាន ឈ្មោះ សាយ ប៊ុនតាន់ ភេទប្រុស អាយុ៣៣ឆ្នាំ មុខរបរដឹកទឹកសុទ្ធលក់ រស់នៅភូមិត្រៀក សង្កាត់សៀមរាប ក្រុងសៀមរាប (ពាក់អាវពណ៌ត្រាវ) និងជនរងគ្រោះទី២ ឈ្មោះ ផា វី អាយុ ៣៩ ឆ្នាំ ជាអ្នករស់នៅព្រែកទាល់ ខេត្តបាត់ដំបង។
បើតាមការឲ្យដឹងពីសាច់ញាតិបានឲ្យដឹងថា ជនរងគ្រោះទាំងពីរនាក់ជាបងប្អូនជីដូនមួយនឹងគ្នា ហើយជនរងគ្រោះទី២ ទើបតែត្រឡប់មកពីប្រទេសថៃ ហើយមកស្នាក់នៅបណ្តោះ អាសន្នជាមួយជនរងគ្រោះ ក្នុងបំណងរកការងារធ្វើនៅខេត្ត សៀមរាប ប៉ុន្តែរកការងារមិនទាន់បានផង ក៏ត្រូវរងគ្រោះដល់ជីវិតតែម្តង ។ រឿងឯងនៅខេត្តកំពង់ស្ពឺមានរន្ទះបាញ់គោស្លាប់ជាច្រើនក្បាលពេលនេះខ្ញុំធ្លាក់ខ្លាំង។
សូមបញ្ជាក់ថាកាលពីថ្ងៃទី ៥ ខែមិថុនាឆ្នាំ ២០១៩ សួនធនធានទឹកនិងឧតុនិយម បានចេញសារព្រមាន ប្រាប់ដល់ប្រជាពលរដ្ឋឲ្យ មានការប្រុងប្រយ័ត្នខ្ពស់ ព្រោះថាចាប់ពីថ្ងៃទី 5 រហូតដល់ថ្ងៃទី ១១ ខែមិថុនា នឹងមានភ្លៀងធ្លាក់ខ្លាំង ស្ទើរគ្រប់ខេត្តទូទាំងប្រទេស និងមានផ្គររន្ទះកើតឡើង យ៉ាងច្រើនផងដែរ៕ ដោយ៖កូឡាប
