ខេត្តស្វាយរៀង ៖ លោកវរសេនីយ៍ឯក នុត រ៉ាន្នី មេបញ្ជាការរងកងរាជអាវុធហត្ថខេត្ត តំណាងលោកឧត្ដមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀងនៅព្រឹកថ្ងៃសុក្រ ទី០៧ ខែមិថុនា ឆ្នាំ២០១៩ បាននាំយកអាវភ្លៀងដែលជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅចែកជូនដល់កងរាជអាវុតហត្ថខេត្តស្វាយរៀងនៅបញ្ជាការដ្ឋានកងរាជអាវុធហត្ថខេត្ត។
លោកវរសេនីយ៍ឯក នុត រ៉ាន្នី មេបញ្ជាការរងកងរាជអាវុធហត្ថខេត្តស្វាយរៀងបានមានប្រសាសន៍ថា ៖ ដោយរដូវនេះចូលដល់រដូវវស្សាហើយ ដូច្នេះហើយកម្លាំងរបស់យើងពិបាកធ្វើដំណើរក្នុងការបំពេញហើយដោយមានការយកចិត្តទុកដាក់ពីសំណាក់សម្តេចតេជោកនិងកិត្តិព្រឹទ្ធបណ្ឌិតក៏ដូចជាលោកនាយឧត្តមសេនីយ៍ សៅ សុខា មេបញ្ជាការរងកងយោធពលខេមរភូមិន្ទនិងមេបញ្ជាការកងរាជអាវុធហត្ថលើផ្ទៃប្រទេសបាននាំយកនូវអាវភ្លៀងចែកជួនដល់កម្លាំងកងរាជអាវុធហត្ថខេត្តស្វាយរៀង ដើម្បីងាយស្រួលក្នុងការបំពេញភារកិច្ចនារដូវវស្សានេះ ៕ ដោយ ៖ វ៉ៃកូ
