ព្រះវិហារ ៖ លោកស្រីបណ្ឌិត សឿ សុជាតា អនុរដ្ឋលេខាធិការ បានមានប្រសាសន៍ថា ការលុបបំបាត់គ្រឿងញៀន និងចរាចរណ៍ គឺផ្តេីមចេញពីយេីងទាំងអស់ ជាបញ្ហារួមមិនមែន ជាបញ្ហាផ្តាច់មុខ របស់អ្នកណាម្នាក់ក្រុមណាមួយឡេីយ ហេីយបញ្ហាគ្រឿងញៀន និងចរាចរណ៍ជាបញ្ហាគ្រោះថ្នាក់ និងនាំមហន្តរាយដល់ខ្លួនឯង ក្រុមគ្រួសារ និងសង្គមជាតិ។ ការលុបបំបាត់គ្រឿងញៀន និងចរាចរណ៍ គឺផ្តេីមចេញពីយេីងទាំងអស់ ហេីយជាបញ្ហារួមមិនមែន ជាបញ្ហាផ្តាច់មុខ របស់អ្នកណាម្នាក់ក្រុមណាមួយឡេីយ។
ថ្ងៃទី ១១ ខែមិថុនា ឆ្នាំ ២០១៩ ក្រោមកិច្ចសហការរវាងក្រសួងអប់រំ យុវជន និងកីឡាជាមួយ អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ពិធីផ្សព្វផ្សាយអប់រំស្តីពីគ្រោះថ្នាក់ នៃការប្រេីប្រាស់គ្រឿងញៀន ខុសច្បាប់ និងសុវត្ថិភាពចរាចរណ៍ ត្រូវបាន រៀបចំឡេីងនៅមន្ទីរអប់រំ យុវជន និងកីឡា ខេត្តព្រះវិហារ ក្រោមអធិបតីភាព លោកសហរី បណ្ឌិត សឿ សុជាតា អនុរដ្ឋលេខាធិការក្រសួងអប់រំយុវជននិងកីឡា។
លោក ចេង លឹម ហ័ង ប្រធានមន្ទីរអប់រំ យុវជន និងកីឡា ខេត្តព្រះវិហារ បានមានប្រសាសន៍អរគុណ ដល់ថ្នាក់ជាតិដែលបាន បង្កេីតឲ្យមានកម្មវិធីផ្សព្វផ្សាយនេះឡេីង ស្របពេលដែលខេត្តកំពុង តែខិតខំផ្សព្វផ្សាយ បង្ការទប់ស្កាត់បញ្ហាផ្សេងៗ ក្នុងនោះបញ្ហាគ្រោះថ្នាក់គ្រឿងញៀន និងសុវត្ថិភាពចរាចរណ៍ជាបញ្ហាចម្បង។
លោក លឹម តុងហួត ប្រធាននាយកដ្ឋាននីតិកម្ម អប់រំ និងស្តារនីតិសម្បទា បានប្រសាសន៍ថា ខេត្តព្រះវិហារ ជាខេត្តភាគឥសាន្តប្រទេសកម្ពុជា ដែលមានភូមិសាស្ត្រស្មុគស្មាញ តាមបណ្តោយព្រំដែនហេីយ ឈ្មួញទុច្ចរឹតតែងតែប្រេីគ្រប់មធ្យោបាយ លាក់លួចយកគ្រឿងញៀនឆ្លងកាត់ព្រំដែន ហេីយឆ្ពោះទៅកាន់ប្រទេសទី៣ ហេីយតាមរយៈនេះ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានចង្អុលបង្ហាញឲ្យរៀបចំជា គោលនយោបាយភូមិ ឃុំសង្កាត់ស គ្មានគ្រឿងញៀន ដេីម្បីធ្វេីជាជញ្ជាំង ទប់ស្កាត់បញ្ហាគ្រឿងញៀនឆ្លងកាត់ព្រំដែន ។
ក្នុងឱកាសនោះ លោកស្រី បណ្ឌិត សឿ សុជាតា អនុរដ្ឋលេខាធិការ បានមានប្រសាសន៍ថា ការលុបបំបាត់គ្រឿងញៀន និងចរាចរណ៍ គឺផ្តេីមចេញពីយេីងទាំងអស់ ជាបញ្ហារួមមិនមែនជាបញ្ហាផ្តាច់មុខ របស់អ្នកណាម្នាក់ក្រុមណាមួយឡេីយ ហើយបញ្ហាគ្រឿងញៀន និងចរាចរណ៍ជាបញ្ហាគ្រោះថ្នាក់ និងនាំមហន្តរាយដល់ខ្លួនឯង ក្រុមគ្រួសារ និងសង្គមជាតិ។
ក្នុងឱកាសនោះ ដែរ លោកស្រី បណ្ឌិត សឿ សុជាតា បានផ្តាំផ្ញេីដល់អ្នកចូលរួមទាំងអស់ឲ្យខិតខំស្តាប់យកចំណេះដឹងឈរលេីសម្បទា បី មាន វិជ្ជាសម្បទា ចរិយាសម្បទា និងបំណិនសម្បទា (បដិសេធ ចរចា គោរពគ្នាទៅវិញទៅមក លេីបញ្ហាគ្រឿងញៀន និងចរាចរណ៍) ហេីយចូលរួមឲ្យបាន កាន់តែសកម្មផ្សព្វផ្សាយ បន្តទៅមិត្តភក្តិក្រុមគ្រួសារ និងមនុស្សជាទីស្រឡាញ់ កុំឲ្យទៅពាក់ព័ន្ធនឹងបញ្ហាគ្រឿងញៀន ៕ ដោយ៖កូឡាប
