ភ្នំពេញ ៖ លោកវីល្លាម អះអាងថា វិស័យសុខាភិបាលមានលេសច្រេីនជាងគេ ហេីយជាវិស័យដែលពលរដ្ឋគ្រប់គ្នាបានអោយពិន្ទុទាបបំផុត។
លោកវីល្លាម ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សា ពិគ្រោះនិងផ្តល់យោបល់ នៅង្ថៃទី១៣មិថុនានេះ បានសរសេរសារលើហ្វេសប៊ុថា បញ្ហាគ្រប់វិស័យកីតឡេីងដោយសារមន្ត្រីមិនព្រមទទួលស្គាល់កំហុសហេីយដោះស្រាយ មួយថ្ងៃៗរកតែល្បិចនិយាយយ៉ាងម៉េចដេីម្បីដោះសារ ។
លោកបានបន្តថា វិស័យសុខាភិបាលនេះមានលេសច្រេីនជាងគេ ហេីយជាវិស័យដែលពលរដ្ឋគ្រប់គ្នាបានអោយពិន្ទុទាបបំផុត ព្រោះកន្លងមកសម្ដីអសីលធម៌ ទង្វេីអមនុស្សធម៌បានកេីតឡេីងក្នុងវិស័យមួយនេះជារឿយៗ ដែលមិនគួរអោយយេីងអោបដៃមេីលបាន។
យ៉ាងណាមិញឆាប់ៗនេះ ប្រតិភូក្រសួងសុខាភិបាលនិងចូលរួមប្រជុំជាមួយឧត្តមក្រុមប្រឹក្សាពិគ្រោះនិងផ្ដល់យោបល់ ខ្ញុំនិងពាំនាំបញ្ហានានាទៅជជែករកការបំភ្លឺពីថ្នាក់ដឹកនាំស្ថាប័ននេះ ដេីម្បីការពារប្រយោជន៍ នៃការធានាសុខមាលភាពរបស់ពលរដ្ឋទាំងអស់នៅប្រទេសកម្ពុជា។
ថ្លែងនៅក្នុងឱកាសដែលលោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល អញ្ជើញចូលរួមក្នុងកម្មវិធីសម្ពោធផ្លូវការ មន្ទីរពេទ្យអឃីតកោះពេជ្រ នៅព្រឹកថ្ងៃទី១២ ខែមិថុនា ឆ្នាំ២០១៩ បានលើកឡើងថា វិស័យសុខាភិបាលនៅកម្ពុជា គឺមិនអន់ខ្សោយដូចគេនិយាយនោះឡើយ ប្រសិនបើអន់ខ្សោយពិតមែនម្ល៉េះហើយមិនមានប្រជាពលរដ្ឋប្រមាណ ១៦លាននាក់រស់នៅបានឡើយ ឬ មានអាយុកាលបានវែងទេ ព្រោះមនុស្សម្នាក់ៗ មិនអាចចៀសផុតពីជំងឺបានឡើយ ហើយពេលមានជំងឺពលរដ្ឋ នឹងមកទទួលការព្យាបាលពីក្រុមគ្រូពេទ្យមិនថាពេទ្យរដ្ឋ, ពេទ្យឯកជន ឬពេទ្យនៅក្រៅប្រទេសនោះឡើយ។
លោកស្រីវេជ្ជបណ្ឌិតបន្ដថា ក្នុងន័យនេះចង់បញ្ជាក់ថា វិស័យសុខាភិបាលមិនមែនសុទ្ធតែអាក្រក់នោះឡើយ ហើយអាក្រក់ទៅតាមកន្លែងមួយចំនួនតូចប៉ុណ្ណោះ ចំណែកឯមួយចំនួនធំទៀត គឺល្អ៕ ដោយ៖កូឡាប
