ប៉ូលិស Ranjeet Singh បានទាក់ទាញចំណាប់អារម្មណ៍លើដងវិថី មានមនុស្សយ៉ាងកុះករ គ្រាគាត់សម្របសម្រួលចរាចររាំញាក់តាមបទភ្លេងបណ្តើរ។
អ្នកបើកបរទាំងឡាយនៅទីក្រុង Indore មិនអាចមិនចាប់អារម្មណ៍គ្រាជួបប៉ូលិស Singh អាយុ៣៨ឆ្នាំ លោតរាំតាមសង្វាក់ល្បីល្បាញរបស់ Michael Jackson នៅចំកណ្តាលផ្ទូវបំបែក។
AFP បានដកសម្ត្រីប៉ូលិសរូបនេះឲ្យដឹងថា “ខ្ញុំជា fan របស់ Michael Jackson ហើយក៏ធ្វើត្រាប់តាមចង្វាក់រាំរំកិលរបស់គាត់ ក្នុងការសម្របសម្រួលចរាចរណ៍អស់ពេល ១២ឆ្នាំមកហើយ។ ដំបូងគេរាល់គ្នាពិតជាស្រឡាំងកាំងណាស់ តែដល់យូរៗទៅ វាបានបង្ហាញប្រសិទ្ធភាព រួចក៏រីករាលដាលតែម្តង”។
Singh និយាយបន្ថែមថា ការធានាសណ្តាប់ធ្នាប់ចរាចរណ៍គឺជាភារកិច្ចដ៏តឹងតែងមួយ ព្រោះខ្លួនគាត់ត្រូវបំពេញភារកិច្ច ក្នុងបរិស្ថានបំពុលក៏ដូចជាត្រូវប្រឈមជាមួយពួកអ្នកបើកបរពុំគោរពច្បាប់។
បច្ចុប្បន្នលើគណនេយ្យហ្វេសបុករបស់ប៉ូលិសរូបនេះ មនុស្សជាច្រើនតាមដានជាប្រចាំ ពេលអ្នកថ្មើរជើងថតវីដេអូ ខណៈពេល Singh កំពុងរំកិលចង្វាក់រាំ។
Singh ឲ្យដឹងថា ចំនួនករណីគ្រោះថ្នាក់កើតឡើងនៅផ្លូវបំបែកដែលលោកប្រចាំការបានថយចុះជាច្រើនក្នុងប៉ុន្មានឆ្នាំមកនេះ ។ សកលវិទ្យាល័យមួយរបស់ឥណ្ឌា កំពុងសិក្សាពីវិធីសាស្ត្ររបស់គាត់ដើម្បីវាយតម្លៃមើលពីប្រសិទ្ធភាពវាយតម្លៃកាត់បន្ថយការកកស្ទះចរាចរណ៍។
មិត្តរួមអាជីពរបស់សាញដំបូងហាក់ដូចជាអល់អែក គ្រាឃើញគាត់ប្រតិបត្តិចង្វាក់រាំល្បីល្បាញរបស់ POP ក្នុងការសម្របសម្រួលចរាចរណ៍ ប៉ុន្តែក្រោយមកពួកគេឃើញវាមានប្រសិទ្ធិភាពក៏សុំឲ្យ Singh ជួយបង្ហាត់បង្រៀន៕ សូយន