ជនថោកទាបម្នាក់ ដែលដាច់ខាតពុំទទួលយកចម្លើយ «ទេ No!» សម្រាប់ការរួមភេទ បានឈានទៅប្រព្រឹត្តការរំលោភហិង្សាដ៏សាហាវឃោរឃៅទៅលើស្ត្រីម្នាក់ ដោយយកមែកឈើបុករុកប្រដាប់ភេទរបស់នាង បណ្តាលឲ្យដាច់រហែកខ្ទេចខ្ទីររងរបួសធ្ងន់ធ្ងររហូតស្លាប់តែម្តង ។
ប៉ូលីស Ufa ក្នុងប្រទេសរុស្ស៊ី និយាយថា ពួកគេបានចាប់ខ្លួនបុរសម្នាក់ឈ្មោះ Gizar Ziyangareev អាយុ ៤១ ឆ្នាំ បន្ទាប់ជនរូបនេះត្រូវបានចោទប្រកាន់រំលោភ និងសម្លាប់ស្ត្រីឈ្មោះ Anna Barmina អាយុ ៣៣ ឆ្នាំ ។
Ziyangareev ដែលត្រូវបានចោទប្រកាន់រំលោភស្ត្រីជាច្រើននាក់ក្នុងរយៈពេល១សប្តាហ៍ ត្រូវបានកាត់ទោសជាប់ពន្ធនាគារចំនួន ២៣ ឆ្នាំ ។
យោងតាមការស៊ើបអង្កេតរបស់ប៉ូលីស Ziyangareev គឺជាមនុស្សចូលចិត្តស្រីម្នាក់ដែលមានមានស្នេហាច្រើនរាប់ភ្លេច ។ ទោះយ៉ាងណា ជនរូបនេះក៏បានចាប់រំលោភស្ត្រីមួយចំនួនក្នុងចំណោមនោះ ដែលពុំមានបំណងរួមភេទជាមួយគាត់នោះឡើយ ។
Ziyangareev ដែលបានរួមភេទជាមួយស្ត្រី៤នាក់ ដោយគ្មានការយល់ព្រម បើតាមដឹងបានប្រាប់ប៉ូលីសថា ពួកនាងៗទាំងនោះ «គួរតែដឹងគុណគាត់» ។
គួរឲ្យសោកស្តាយ ម្នាក់ក្នុងចំណោមជនរងគ្រោះរបស់គាត់ បានសន្លប់ បន្ទាប់ពីនាងត្រូវបានជនរូបនេះរំលោភ និងប្រើហិង្សាយកមែកឈើបុករុកប្រដាប់ភេទរបស់នាងយ៉ាងសាហាវ ។
ពុំត្រឹមតែប៉ុណ្ណឹង Ziyangareev ក៏បានលួចយក Laptop, លុយ និងទូរស័ព្ទដៃរបស់នាង និងទុកឲ្យនាងដេកស្លាប់យ៉ាងអាណោចអាធម ។
គ្រូពេទ្យបញ្ជាក់ថា ជនរងគ្រោះបានស្លាប់ ដោយសាររងទទួលការប្រើអំពើហិង្សា និងដាច់រហែកប្រដាប់ភេទធ្ងន់ធ្ងរ ៕ ចន្ទី
