បន្ទាយមានជ័យ ៖ ម៉ូតូ២គ្រឿងបើកស្របទិសគ្នាសោះ ក៏បុកគ្នាបណ្តាលឲ្យមានមនុស្សរបួយធ្ងន់២នាក់ ស្រាលម្នាក់កាលពីម៉ោង៤ល្ងាច ថ្ងៃទី ២ ខែមករា ឆ្នាំ២០១៨ នៅចំនុចផ្លូវជាតិលេខ៥៦ស្ថិតភូមិគោកតាឯក ឃុំតាបែនស្រុកស្វាយចេក ខេត្តបន្ទាយមានជ័យ។
លោកវរសេនីយ៍ ជ័យ សុកា មេបញ្ជាការមូលដ្ឋានកងរាជអាវុធហត្ថស្រុកស្វាយចេកបានឲ្យដឹងថា: ជនរងគ្រោះ ១-ឈ្មោះ ឆាន គឹមឆាង ភេទស្រីអាយុ២១ឆ្នាំ របួសបែកក្បាល មានទីលំនៅភូមិខ្លែងពណ៌ជើង ឃុំស្លក្រាម ស្រុកស្វាយចេក ខេត្តបន្ទាយមាជ័យ ។២-ឈ្មោះ គីម ឡាយ ភេទស្រីអាយុ១៦ឆ្នាំ របួសបែកក្បាលសន្លប់ ។និងអ្នក ជិះខាងក្រោយម៉ូតូវេវ អ្នកបើកឈ្មោះ វង់ កែវ ភេទស្រីអាយុ១៧ឆ្នាំរបួសស្រាល ។ពួកគេរស់នៅភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទាយមានជ័យ។
សូមបញ្ជាក់ថា នៅមុនពេលកើតហេតុនោះមានម៉ូតូ ម៉ាកទ្រីមសង់០១៤ ពណ៌ខ្មៅពាក់ស្លាកលេខ១F៨៥២២កំពងធំបើកតាមផ្លូវជាតិលេខ៥៦ក្នុងល្បឿនលឿនស្របពេលនោះមានម៉ូតូម៉ាកវេវពណ៌ក្រហមគ្មានស្លាកលេខបើកស្របទិសគ្នាពីជើងទៅត្បូង។
លុះបើកមកដល់ចំណុចកើតហេតុស្រាប់តែម៉ូតូវេវបត់ស្តាំចូលខ្លោងទ្វាវត្តស្លក្រាមបណ្តាលឲ្យម៉ូតូទ្រីមមកពីក្រោយបុកពីក្រោយពេញទំហឹង បង្កអោយឲ្យអ្នកបើកម៉ូតូនិងអ្នកជិះ រងរបួសធ្ងន់ស្រាលដូចខាងលើ ។ ជនរងគ្រោះត្រូវបានប្រជាពលរដ្ឋជួយដឹកយកទៅមន្ទីរពេទ្យ។ ចំណែកម៉ូតូទាំង២គ្រឿងត្រូវបានសមត្ថកិច្ចយកទៅរក្សាទុកនៅអធិការស្រុកស្វាយចេក៕ ដោយ ៖ បន្ទាយ
