Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ណែនាំ​ឲ្យ​ម្ចាស់​សហគ្រាស​អនុវត្ត​វិធានការ​បញ្ជៀ​ស​ការដួលសន្លប់​ជាយថាហេតុ

spot_img

ភ្នំពេញ​៖ ក្រសួង​ការងារ​និង​បណ្តុះបណ្តាល​វិជ្ជាជីវៈ បាន​សេចក្តីជូនដំណឹង ដល់​ម្ចាស់ និង​នាយក​សហគ្រាស គ្រឹះស្ថាន ជា​ពិសេស​រោងចក្រ​វាយ​ន​ភណ្ឌ កាត់ដេរ​សម្លៀកបំពាក់ និង​ផលិត​ស្បែកជើង​ទាំងអស់ ត្រូវ​អនុវត្ត​ឱ្យ​ហ្មត់ចត់ ដើម្បី​បញ្ជៀ​ស​ការដួលសន្លប់​ជាយថាហេតុ ដែល​បណ្តាល​មកពី​បរិយាកាស​ទាំង​ក្នុង និង​ក្រៅ​អគារ​ផលិតកម្ម​។​

​បើ​តាម​ក្រសួង​ការងារ បាន​ដាក់​វិធានការ​ដល់​រោងចក្រ​វាយ​ន​ភណ្ឌ កាត់ដេរ​សម្លៀកបំពាក់ និង​ផលិត​ស្បែកជើង ត្រូវ​ត្រួតពិនិត្យ និង​ថែ​ទាំង​ជា​ប្រចាំ​និង​បើក​ឲ្យ​ដំណើរការប្រព័​ន្ធ​បញ្ចេញបញ្ចូល​ខ្យល់​នៅតាម​អគារ​ផលិតកម្ម​ទាំងអស់ ឲ្យបាន​យ៉ាងហោច​ណាស់​១​ម៉ោង​មុខ​ពេល​អនុញ្ញាត​ឲ្យ​កម្មករនិយោ​ជិត​ចូល​បម្រើ​ការងារ​។ ត្រូវ​ត្រួតពិនិត្យ​តាមដាន​បរិវេណ​នៅ​ជុំវិញ​ទាំង​ក្នុង​និង​ក្រៅ​អគារ​សហគ្រាស គ្រឹះស្ថាន ជា​ប្រចាំ​ជា​ពិសេស​មុន​ពេល​អនុញ្ញាត​ឲ្យ​កម្មករ​ចូ​ល​ធ្វើការ ដើម្បី​ទប់ស្កាត់​និង​បង្ការ​ឲ្យបាន​ទាន់ពេលវេលា​ក្នុងមាន​ការសាយភាយ​ក្លិន​សារធាតុ​គីមី ថ្នាំ​សម្លាប់​សត្វល្អិត ឬ​សារធាតុ​ដ៏​ទៃ​ទៀត​ចូល​ក្នុង​អគារ​ផលិតកម្ម និង​នៅ​ពេល​មាន​ការប្រើប្រាស់​សារធាតុ​ទាំងនោះ​នៅក្បែរ​អការ​សហគ្រាស គ្រឹះស្ថាន បើក​បង្អូច ទ្វារ​ទាំងអស់ ឬ​បន្ថែម​បង្ហារ​បញ្ចេញ​ខ្យល់ ឬ​បឹត​ខ្យល់​ចេញ ក្នុង​អគារ ត្រូវ​ដាក់​ឧបករណ៍​វាស់​ស្ទង់កំដៅ នៅ​កន្លែងធ្វើការ ត្រូវ​ពិនិត្យ​ថែ​ទាំង​ប្រព័ន្ធ​បង្ការ​អគ្គិភ័យ ត្រូវ​រៀបចំ​ឲ្យមាន​គិលានដ្ឋាន​និង​មធ្យោបា​យ​សង្គ្រោះបន្ទាន់​ប្រចាំ​ក្នុង​សហគ្រាស គ្រឹះស្ថាន ជាដើម​។​

​ក្រសួង​ការងារ នឹង​ចាត់វិធានការ​តឹងរ៉ឹង​បំផុត​ទៅ​តាម​ច្បាប់ ស្តីពី​ការងារ និង​លិខិត​បទដ្ឋាន​នា​ន​ដែល​មាន​ជា​ធរមាន ចំពោះ​ម្ចាស់ និង​នាយក​សហគ្រាស គ្រឹះស្ថាន​ដែល​ប្រព្រឹត្តល្មើស​នឹង​វិធាន​ការណែនាំ​នេះ​៕ ដោយ​៖​កូឡាប​

spot_img
×