ភ្នំពេញ៖ ស្ពានអាកាសស្តុបផ្សារដីហុយ ដែលទទួលការស្ថាបនាដោយក្រុមហ៊ុនចិននឹងស្ថាបនាបញ្ចប់នៅមុនបុណ្យចូលឆ្នាំខ្មែរ២០១៨ខាងមុខនេះ ។
លោកសាំ ពិសិដ្ឋប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានអោយដឹងនៅរសៀលថ្ងៃទី២មរា នេះថា ស្ពានអាកាសស្តុបផ្សារដីហុយ មកដល់ពេលនេះការដ្ឋានទាំងមូលសម្រេច បាន ៨៥%ហើយក្នុងនោះ គ្រឿងបង្គុំសំណង់ខាងក្រោមសម្រេចបាន១០០% គ្រឿងបង្គុំសំណង់ខាងលើ សម្រេចបាន៨០% នៅសល់១៥% ហើយគម្រោងនៃការដ្នាននេះគ្រោងធ្វើហើយមុនចូលឆ្នាំខ្មែរឆ្នាំ២០១៨ខាងមុខនេះ។
គួរបញ្ជាក់ថាការដ្ឋានរស្ថាបនាស្ពានអាកាស ស្តុបផ្សារដីហុយ មានបណ្តោយ៩០៥ម៉ែត្រទទឹង១៦,៥ម៉ែត្រ ស្ថិតនៅប្រសព្វរវាងមហាវិថីសហព័ន្ធរុស្ស៊ី និងផ្លូវហាណូយ(១០១៩) ដែលជាគម្រោង ហិរញ្ញប្បទានរបស់សាធារណរដ្ឋប្រជាមានិតចិននិងទទួលបានសិទ្ធិសាងសង់ ដោយក្រុមហ៊ុន សៀងហៃ ហើយត្រួតពិនិត្យបច្ចេកទេសដោយក្រសួងសាធារណការ និងដឹកជញ្ជូន។
សូមបញ្ជាក់ថា បច្ចុប្បន្ននេះនៅក្នុងរាជធានីភ្នំពេញមានស្ពានអាកាសចំនួន៤កន្លែង គឺស្ពានអាកាសក្បាលថ្នល់ ស្ពានអាកាសស្ទឹងមានជ័យ ស្ពានអាកាស៧មករា និងស្ពានអាកាស៥មករា ៕ ដោយ៖កូឡាប
