ភ្នំពេញ៖កម្លាំងមូលដ្ឋានកងរាជអាវុធហត្ថខណ្ឌដូនពេញ បានចុះបង្ក្រាប ករណីគ្រឿងញៀនចំនួន ៣កន្លែង និងឃាត់ខ្លួនជនសង្ស័យពាក់ពន្ធ័គ្រឿងញៀនបានចំនួន ៥នាក់ នៅថ្ងៃពុធទី៣ ខែមករា ឆ្នាំ២០១៨។
ជនសង្ស័យពាក់ពន្ធ័គ្រឿងញៀនបានចំនួន ៥នាក់រួមមាន៖ ១.ឈ្មោះ កាយ ឡាដា ភេទប្រុស អាយុ ២៧ឆ្នាំ មុខរបរមិនពិតប្រាកដ ស្នាក់នៅផ្ទះជួល សង្កាត់ទឹកល្អក់ទី៣ ខណ្ឌទួលគោគ រាជធានីភ្នំពេញ ២.ឈ្មោះ អ៊ន់ ម៉ៅ ហៅ ម៉ាប់ ភេទប្រុស អាយុ ៤១ឆ្នាំ មុខរបរមិនពិតប្រាកដ ស្នាក់នៅផ្ទះជួលផ្លូវរថភ្លើង សង្កាត់បឹងកក់២ ខណ្ឌទូលគោគ រាជធានីភ្នំពេញ។ ៣.ឈ្មោះ ប៉ុល ចាន់នី ភេទស្រី អាយុ ៥៦ឆ្នាំ មុខរបរនៅផ្ទះ ស្នាក់ផ្ទះជួលសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។ ៤.ឈ្មោះ ត្រឹង សុផាវីន ភេទស្រី អាយុ ២៤ឆ្នាំ មុខរបរបុគ្គលិកលក់ប្រេងម៉ាស៊ីន ស្នាក់នៅផ្ទះលេខ១២៧ ផ្លូវទំនប់២ ភូមិសំបុកចាប ខណ្ឌសែនសុខ រាជធានីភ្នំពេញ ៥.ឈ្មោះ សារិន គីមលាង ភេទស្រី អាយុ ១៧ឆ្នាំ មុខរបរនៅផ្ទះ ស្នាក់នៅផ្ទះជួលក្នុងខណ្ឌទួលគោគ រាជធានីភ្នំពេញ។ កម្លាំងបានចាប់យកវត្ថុតាងរួមមាន៖ ១. ម្សៅក្រាមពណ៌សថ្លាចំនួន ៨១ កញ្ចប់ ២.ទូរស័ព្ទចំនួន ៣ គ្រឿង ៣.ជញ្ជើងចំនួន ១ គ្រឿង។
ជនសង្ស័យ និងវត្ថុតាង ត្រូវបានបញ្ជូនមកបញ្ជាការដ្ឋាន កងរាជអាវុធហត្ថរាជធានីភ្នំពេញ ដើម្បីកសាងសំណុំរឿងបញ្ជូនទៅតុលាការ៕ ដោយ៖បញ្ញាស័ក្តិ
