ប្រទេសចិនបានបាញ់កាំជ្រួច ស្វាគមន៍ថ្ងៃសាងសង់រួចរាល់ស្ពានតភ្ជាប់ហុងកុង ជូហាយ និងម៉ាកាវ ដែលជាស្ពានឆ្លងសមុទ្រវែងបំផុតពិភពលោក។
នៅថ្ងៃ 31/12/2017, ចិនបានសាងសង់រួចរាល់ស្ពានឆ្លងសមុទ្រមានប្រវែងជិត 55km តភ្ជាប់ហុងកុងជាមួយជូហាយ និងម៉ាកាវ។ តាមបណ្តាញទូរទស្សន៍ CGTN ។ កម្មករសាងសង់ស្ពាន 10.000ម៉ឺននាក់ បានចូលរួមក្នុងពិធីបាញ់កាំជ្រួចដ៏ចិញ្ចែងចិញ្ចាច ដើម្បីអបអរសំណង់ស្ពានវែងបំផុតពិភពលោកនេះ ។
ចិនបានធ្វើការតម្លើងប្រព័ន្ធភ្លើង LED មានចម្រុះពណ៌អមសងខាងស្ពាន។
គិតដល់ពេលបញ្ចប់ឆ្នាំ ២០១៧ គ្រោងការណ៍ស្ថាបនាស្ពានបានអូសបន្លាយពេល ១៤ឆ្នាំ និងទុនវិនិយោគ ១៥ពាន់លានដុល្លារ តភ្ជាប់ទីក្រុង ៣ សុទ្ធសឹងជាតំបន់ពាណិជ្ជកម្មសំខាន់របស់ចិន កាត់បន្ថយពេលវេលានៃការធ្វើដំណើរ។ ស្ពាននេះចំណាយពេលសាងសង់អស់ ៧ឆ្នាំ។
ផ្នែកសំខាន់ៗ នៃស្ពានត្រូវបានសម្រេចរួចរាល់ ប៉ុន្តែវាត្រូវរងចាំការត្រួតពិនិត្យគុណភាពចុងក្រោយពេលមុនពេលសម្ភោធបើកឲ្យធ្វើចរាចរណ៍ជាផ្លូវការ។
លោក Frank Chan, មេដឹកនាំស្ថាប័នគមនាគមន៍ដឹកជញ្ជូន និងផ្ទះសម្បែងហុងកុងឲ្យដឹងថា ស្ពាននេះជាគ្រោងការសហការគ្នារវាងរដ្ឋអំណាចនៅតំបន់ ៣ ហើយវាអាចបើកទ្វារឲ្យធ្វើចរាចរណ៍បាន លុះត្រាភាគីទាំង ៣ ត្រៀមលក្ខណៈជាស្រេច។ រដ្ឋាភិបាលចិននឹងកំណត់ថ្ងៃសម្ភោធផ្លូវការរបស់ស្ពាននេះ។
ការធ្វើចរាចរណ៍ឆ្លងកាត់ស្ពាននេះ ធ្វើឲ្យរយៈពេលធ្វើដំណើរពីជូហាយ ទៅដល់ហុងកុងថយចុះពី ៣ម៉ោង នៅសល់ត្រឹម ៣០នាទី។ ដើម្បីសាងសង់ស្ពាននេះ គេបានប្រើប្រាស់ដែកថែបអស់ 420.000តោន គ្រប់គ្រាន់សម្រាប់សាងសង់ប៉ម Eiffel, ចំនួន ៦០។
ក្រៅពីស្ពាន ចិនក៏បានសាងសង់បន្ថែមផ្លូវក្រោមដៃសមុទ្រ យូចូ ផ្លូវក្រោមដៃសមុទ្រនេះ ស្ថិតនៅជម្រៅ ៤០ម៉ែត្រ ប្រៀបនឹងផ្ទៃទឹក ហើយមានបណ្តោយប្រវែង ៦៧០០ម៉ែត្រ វាបច្ចុប្បន្នវាក៏ជាផ្លូវក្រោមសមុទ្រវែងបំផុតពិភពលោក៕ សូយន
