ឪពុកម្តាយទាំងឡាយតែងមានវិធីផ្សេងៗគ្នា ក្នុងការប្រដែប្រដៅ ឬ ដាក់ពិន័យកូនៗរបស់ពួកគេ ។ ប៉ុន្តែ សម្រាប់ឪពុកម្នាក់នេះវិញ បានប្រព្រឹត្តទង្វើដ៏ជ្រុលហួសហេតុ ដែលច្បាប់ពុំអាចទទួលយកបាន ។
យោងតាមប្រភពព័ត៌មានបានឲ្យដឹងថា ប្រុសម្នាក់ដោយគ្រាន់តែមានឈ្មោះមួយម៉ាត់ថា Joi អាយុ ៤១ ឆ្នាំ បានប្រើអំពើហិង្សាដ៏ឃោរឃៅ មកលើកូនស្រីរបស់ខ្លួន ដោយចាប់អារបំពង់ករបស់នាង ព្រោះតែខឹងនាង «ចំណាយពេលលេងច្រើនពេក» នៅលើបណ្តាញសង្គម ។
បន្ទាប់ពីធ្វើសកម្មភាពអារ.កកូនស្រីរួច បុរសរូបនេះចាក់សោទុកនាងនៅក្នុងផ្ទះ ដែលស្ថិតនៅក្នុងស្រុក Muang ក្នុងខេត្ត Phetchaburi ប្រទេសថៃ ។ ទោះយ៉ាងណា ឪពុកចិត្តតិរច្ឆានរូបនេះ ត្រូវបានសមត្ថកិច្ចបាប់ខ្លួននៅចំនុចប៉ុស្តិ៍កុងត្រូលមួយ ក្នុងស្រុក Thap Sakae ខេត្ត Prachup Khiri ខណៈព្យាយាមរត់គេចខ្លួនជាមួយកូនស្រីពៅរបស់គាត់ ។
ប្រពន្ធរបស់ Joi បានអះអាងថា ប្តីរបស់នាងមិនចូលចិត្តកូនស្រីរបស់នាងចំណាយពេលលេងច្រើននៅលើបណ្តាញសង្គមនោះទេ ព្រោះបារម្ភថាអាចប៉ះពាល់ដល់កិច្ចការសាលារបស់នាង ។ នាងក៏បានបដិសេធការលើកឡើងរបស់ប្តី ប៉ុន្តែ ថាអំពើហិង្សាដ៏សាហាវនេះ ជាលទ្ធផលនៃការរំលោភផ្លូវភេទ ៕
