Wednesday, May 25, 2022

ចិន​សន្យា​កាត់បន្ថយ​ការផ្គត់ផ្គង់​ប្រេង​ឥន្ធនៈ​ឲ្យ​កូរ៉េខាងជើង​

​ប្រទេស​ចិន​បានឲ្យដឹងថា នឹង​កាត់បន្ថយ​ប្រេងឥន្ធនៈ និង​លោហធាតុ​ឲ្យទៅ​កូរ៉េខាងជើង បន្ទាប់​ពី​ប្រធានាធិបតី Donald Trump ព្រមាន​ថា ចាប់​បាន​ភស្តុ​តា​ពី​លួ​បង្ហូរ​ប្រេង​ឲ្យ​កូរ៉េខាងជើង​។​

​នៅ​ថ្ងៃ​ទី ៥/១ ក្រសួង​ពាណិជ្ជកម្ម​ចិន​ប្រកាសថា ប្រទេស​នេះ​នឹង​កាត​បន្ថយ​ការនាំ​ចេញ​ប្រេង​ឆៅ ផលិត​ប្រេង​កែច្នៃ ដែក​ថែប និង​បណ្តា​លោហធាតុ​ដទៃ​ទៀត​ទៅ​កាន់​កូរ៉េខាងជើង សំដៅ​អនុវត្ត​បណ្តា​វិធានការ​ដាក់​ទណ្ឌកម្ម​ថ្មី​របស់​អង្គការសហប្រជាជាតិ​ចំពោះ​ក្រុង​ព្យុង​យ៉ាង​។ សេចក្តីប្រកាស​នេះ​ឲ្យដឹងថា ការសម្រេចចិត្ត​ខាង​លើ នឹង​មាន​សុភ​ពល​ភាព​ពីថ្ងៃ ៦/១ តទៅ​។​

​សកម្មភាព​ខាង​លើ​របស់​ចិន ត្រូវបាន​អនុវត្ត​បន្ទាប់ពី​ក្រុម​សន្តិសុខ UN នៅ​ខែ​មុននេះ បាន​ឯកភាព​អនុម័ត​សេចក្តីសម្រេច​ចិត្ត​ថ្មី ក្នុង​ការដាក់ទណ្ឌកម្ម​លើ​កូរ៉េខាងជើង ដែល​ក្នុងនោះ​រួម​មាន​ការកាត់បន្ថយ​ប្រេងឥន្ធនៈ​លក់​ឲ្យ​ក្រុង​ព្យុងយ៉ាង​ផងដែរ​។​

​សេចក្តីសម្រេច​របស់​ក្រុមប្រឹក្សាសន្តិសុខ បាន​ហាមឃាត់​ការនាំ​ចេញ​ប្រេង​ឆៅ​ដល់​ទៅជិត​៩០% ឲ្យទៅ​កូរ៉េខាងជើង ហើយ​បរិមាណ​ប្រេង​ឆៅ​សម្រាប់​កូរ៉េ​ខាងជើង គឺ​បាន​អនុញ្ញាត​ឲ្យ​កំរិត ៤​លាន​ធុង​ប្រេង​ឆៅ​ក្នុង​១​ឆ្នាំៗ​ប៉ុណ្ណោះ​។​

​អំឡុង​ចុង​ខែ ១២ កន្លង​មក​ប្រធានាធិបតី Donald Trump បាន​ចោទប្រកាន់​ចិន​ថា បាន​លួច​ផ្គត់ផ្គង់​ប្រេង​ខុស​ច្បាប់​ឲ្យ​កូរ៉េខាងជើង ខណៈពេល​ដែល​ប្រព័ន្ធ​ឃោសនា​បាន​បង្ហាញ​ឲ្យ​រូបភាព​នាវា​ដឹក​ប្រេង​ចិន​កំពុង​ផ្ទេរ​នៅ​សមុទ្រ​ឲ្យទៅ​កូរ៉េខាងជើង​។ សេចក្តីប្រកាស​ខាងលើ​ដោយ​ប្រយោល ប្រទេស​ចិន​បាន​ទទួលស្គាល់ថា ពិតជា​មាន​រឿង​បែបនេះ​មែន​៕ សូ​យ​ន​