Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ពន្លឺ​ចម្លែក​កណ្តាល​អាធ្រាត បង្ក​ការបារម្ភ និង​ភ័យខ្លាច​នៅ​កូ​ឡំប៊ី​

spot_img

​លំហ​វេហា​ងងឹត​សូន្យឈឹង នៅ​កូ​ឡំប៊ី ស្រាប់តែ​លេចឡើង​នូវ​ពន្លឺ​ចម្លែក បំភ្លឺ​ប្រជុំជន Ocana ទាំងមូល រួច​រលាយ​បាត់​ស្រមោល​ទៅ​វិញ​។ រឿង​នេះ​បាន​ធ្វើឲ្យ​ប្រជាជន រួម​ទាំង​រដ្ឋ​អំណាច​ផង ពិតជា​មាន​កង្វល់​ភ័យខ្លាច ព្រោះ​ពុំ​ដឹងថា ជា​អ្វី​។ ដុំ​ភ្លើងពណ៌​លឿង​ដ៏​ធំ​ភ្លឺចិញ្ចាចចិញ្ចែង បាន​ហោះ​រំលង​ផ្ទៃមេឃ នៃ​ប្រជុំជន Ocana ក្នុង​អំឡុង​ពេល​ប៉ុន្មាន​នាទី រួច​រលាយ​បន្តិច​ម្តងៗ រហូត​បាត់ស្រមោល​នៅ​ឯ​ជើងមេឃ​។​

​សាក្សី​ឲ្យដឹងថា ពន្លឺ​ចម្លែក​នេះ​បាន​បាត់ស្រមោល​ពេលទៅដល់​ជិត​ប្រជុំជន Aguas Claras​។​

​មនុស្ស​ជាច្រើន​បាន​ទាញ​ទូរស័ព្ទ​ថត​យក​បាន​នូវ​បាតុភូត​ចម្លែក​លេចឡើង​កណ្តាល​រាត្រី​នេះ​។ Clip ទាំងនោះ​បាន​ចែករំលែក​រាលដាល​ក្នុង​ល្បឿង​យ៉ាង​លឿន​លើ​បណ្តាញ​សង្គម​។​

ពន្លឺ​ចម្លែក​រំលង​ប្រជុំជន​កណ្តាលរាត្រី​

​ក្នុង Clip ខាងក្រោម​នេះ គេ​បាន​ឮ​សម្រែក​ជា​ភាសា​អេស្បាញ​របស់​បុរស​ម្នាក់​ថា ៖ វា​ពុំ​មែន​ជា​ផ្កាយ ហើយក៏​ពុំ​មែន​ជា​យន្តហោះ​។ តែ​វា​គឺជា​កំពូល​មនុស្ស​!​។​

​មនុស្ស​ម្នាក់​ទៀត​បាន​ស្រែក​ឡើង​ដែរ ហ្នុះ​! វា​កំពុង​ចលនា​ទៅខាង​នោះ​។​

​មនុស្ស​ជាច្រើន​បាន​និយាយ​លេង​ថា វា​អាច​ជា​ពន្លឺ​បាញ់​ចេញមក​ពី​យានអវកាស​របស់​មនុស្ស​ពី​ភព​ដទៃ ខណៈ​ពេល​អ្នក​ខ្លះ​ទៀត​និយាយ​ថា ៖ វា​គឺជា​កាំជ្រួច​ពន្លឺ​ដែល​ជាប់​ជាមួយ​ឆ័ត្រ សម្រាប់​ប្រើ​បំភ្លឺ​ក្នុង​ប្រតិបត្តិការ​យោធា​។​ល​។ ទោះ​យ៉ាងណា​រដ្ឋអំណាច​តំបន់ និង​ពលរដ្ឋ​នៅតែ​មាន​ការ​ខ្វាយខ្វល់ ព្រោះ​ពុំ​មាន​ព័ត៌មាន​បញ្ជាក់​ពី​ឫសគល់​បណ្តាលឲ្យ​មាន​ពន្លឺ​ចម្លែក​នេះ​ផ្តើមចេញ​ពី​ណា​មក​៕ ចន្ទ្រា​

spot_img
×