រាជធានីភ្នំពេញ ៖ យោងតាម ចំណារក៏ខ្ពង់ខ្ពស់បំផុតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ពីទីស្ដីការគណៈរដ្ឋមន្ត្រី តាមរយៈបណ្ឌិតសភាចារ្យ ហ៊ឹង ថូរ៉ាក់ស៊ី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី រដ្ឋលេខាធិការប្រចាំការ បានសម្រេចឲ្យឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានអាជ្ញាធរជាតិដោះស្រាយទំនាស់ដីធ្លី ពិនិត្យ និងដោះស្រាយបញ្ហាជំលោះដីធ្លីរាំរ៉ៃ៣ករណី តបតាមការស្រាវជ្រាវសិក្សារបស់សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណក្សខ្មែរក្រោក នូវករណីវិវាទដីធ្លី ៖
ករណីទី១ ទំនាស់ដីធ្លី១៦ឆ្នាំ រវាងពលរដ្ឋនិងអ្នកមានអំណាចនៅ ស្រុកក្រឡាញ់ ខេត្តសៀមរាប។
ករណីទី២ ទំនាស់ដីធ្លីរាប់ឆ្នាំ រវាងពលរដ្ឋនិងអ្នកមានអំណាចៅ ស្រុកក្រឡាញ ខេត្តសៀមរាប។
ករណីទី៣ វិវាទដីធ្លីរវាងប្រជាពលរដ្ឋចំនួន៦៥គ្រួសារ និងទាហានកងពលតូចលេខ១១ លើផ្ទៃដី១០២ហិកតា នៅភូមិព្រៃខ្មៅ ឃុំស្រែខ្មៅ ស្រុកជុំគិរី ខេត្តកំពត។
សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោកសុំសម្ដែងអំណរសាទរ និងរំពឹងថាក្រោយទទួលបាន សជណ អាជ្ញាធរជាតិដោះស្រាយទំនាស់ដីធ្លី និងពន្លឿនការដោះស្រាយ ប្រកបដោយតម្លាភាព សុច្ចរិតភាព ដេីម្បីរកយុត្តិធម៌ជូន ភាគីទំនាស់ ៕ ដោយ៖កូឡាប
