កំពង់ស្ពឺ ÷ នៅស្នងការដ្ឋាននគរបាលខេត្តកំពង់ស្ពឺ បានផ្សព្វផ្សាយផែនការ ការអនុវត្តន៍ដីកាចាប់ខ្លួនក្រុមឧទ្ទាមប្រឆាំងក្រៅច្បាប់ ពាក់ព័ន្ធនិងការរៀបចំផែនការ ផ្ដួលរំលំរាជរដ្ឋាភិបាលស្របច្បាប់នៅកម្ពុជា ក្រោមអធិបតីភាព លោកឧត្តមសេនីយ៍ទោ សម សាមួន ស្នងការនគរបាលខេត្ត ក្នុងពិធីនោះដែរមានការអញ្ញេីញចូលរួមពីលោក លោកស្រី ឧត្ដមសេនីយ៍ វរសេនីយ៍ ស្នងការរង លោកនាយរងផែន លោកនាយ នាយរងការិយាល័យ និងកងកម្លាំង នគរបាលចំណុះស្នងការដ្ឋាននគរបាលខេត្តកំពង់ស្ពឺ សរុប ២០៩នាក់ ស្រី ១៨នាក់។
ជាកិច្ចចាប់ផ្ដេីមលោកស្នងការ បានថ្លែងដោយអះអាងយ៉ាងម៉ឺងម៉ាត់ នៅចំពោះមុខកងកម្លាំង ថា អ្វីក៏ដោយអោយតែជាអំពេីបង្កចលាចលសង្គម ភាពវឹកវរប៉ះពាល់ដល់សណ្ដាប់ធ្នាប់សង្គម រាជរដ្ឋាភិបាលស្របច្បាប់ មានបំណងបំផ្លាញសុខសន្តិភាព បង្កភាពអាណាធិបតេយ្យដល់ការរស់នៅរបស់បងប្អូនប្រជាពលរដ្ឋ សមត្ថកិច្ចដាច់ខាតត្រូវតែទប់ស្កាត់និងចំណាត់ការតាមផ្លូវច្បាប់។
ការថ្លែងរបស់លោកស្នងការធ្វើឡើងកាលពីព្រឹកថៃ្ងព្រហស្បតិ៍ ទី៣១ ខែតុលា ឆ្នាំ២០១៩ នៅក្នុងស្នងការដ្ឋាននគរបាលខេត្ដកំពង់ស្ពឺ ក្នុងពិធីផ្សព្វផ្សាយផែនការ ការពាររក្សាសន្ដិសុខ សណ្តាប់ធ្នាប់ និងការទប់ស្កាត់អំពេីបង្កចលាចលក្នុងសង្គមនាឱកាសនោះ លោកស្នងការបានប្រកាសជម្រុញឲ្យកងកម្លាំងនគរបាលជាតិទាំងអស់ត្រូវពង្រឹងលេីហ្វឹកហាត់ ជំនាញបច្ចេកទេស វីធីសាស្ត្រ កាយសម្បទា ក្នុងករណីមានកាចាំបាច់បន្ទាន់ណាមួយ។
បន្ថែមពីនោះលោកស្នងការនគរបាលខេត្ត បានបង្ហាញអំពីគោលបំណងក្នុងត្រួតពិនិត្យកំលាំងសរុប~មធ្យោបាយសរុប ដើម្បីទ្រោលសភាពការណ៍ និងដើម្បីអោយប្រាកដកាន់តែច្បាស់ក្នុងកិច្ចការពាររក្សាសន្តិសុខ សណ្តាប់ធ្នាប់ សុវត្តិភាពជូនប្រជាពលរដ្ឋ ក្រោមការដឹកនាំប្រកបដោយគត្ដិបណ្ឌិតដ៏ឈ្លាសវៃបំផុតរបស់ប្រមុខរាជរដ្ឋាភិបាលកម្ពុជាដែលមាន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាតែមួយគត់ មិនទុកឱកាសអោយក្រុមជ្រុលនិយមមកបង្កេីតចលនាបដិវត្តន៍ពណ៍ បំផ្លាញសន្ដិភាពនៅកម្ពុជាបានដាច់ខាត។
ជាចុងក្រោយលោកឧត្តមសេនីយ៍ទោ ស្នងការបានឧបត្ថម្ភដល់មន្ដ្រីប៉ុស្ដិ៍នគរបាលរដ្ឋបាល ៨៧ ប៉ុស្តិ៍ឃុំ.សង្កាត់ មួយប៉ុស្ដិ៍ ថវិកាមួយសែនរៀល៕ដោយ៖កូឡាប
