ខេត្តកណ្តាល៖ នគរបាលស្រុកស្អាង បានចាប់ខ្លួនបុរសម្នាក់ ក្នុងករណី រក្សាទុកដោយខុសច្បាប់នូវសារធាតុញៀន(ម៉ាទឹកកក) នៅ ថ្ងៃទី ១០ ខែមករា ឆ្នាំ២០១៨ វេលាម៉ោង ១៥និង៣០នាទី នៅចំណុច ផ្ទះរបស់ឈ្មោះ អាន ពិចរ៉ា ស្ថិតក្នុងភូមិអម្ពិលលាស់ ឃុំក្រាំងយ៉ូវ ស្រុកស្អាង ខេត្តកណ្ដាល។
ជនសង្ស័យដែលឃាត់ខ្លួន ឈ្មោះ អាន ពិចរ៉ា ភេទ ប្រុស អាយុ២១ឆ្នាំ ជនជាតិ ខ្មែរ មុខរបរ កសិករ ទីលំនៅបច្ចុប្បន្ន ភូូមិអម្ពិលលាស់ ឃុំក្រាំងយ៉ូវ ស្រុកស្អាង ខេត្តកណ្ដាល (ធ្លាប់ជាប់ពន្ធនាគារខេត្តកណ្តាល រយៈពេល៦ខែ ពីបទ រក្សាទុកគ្រឿងញៀនខុសច្បាប់ កាលពីឆ្នាំ២០១៦) ។ វត្ថុតាងចាប់យករួមមាន ៖ ម្សៅក្រាមពណ៍សសង្ស័យថាជាសារធាតុញៀន(ម៉ាទឹកកក) ចំនួន ១កញ្ចប់តូច និងឧបករណ៍វេចខ្ចប់ ប្រើប្រាស់មួយចំនួន, ម៉ូតូចំនួន១គ្រឿង ម៉ាក Zoomer-X ពណ៍ ស្វាយ លាយ ខ្មៅ ពាក់ផ្លាកលេខ ភ្នំពេញ 1FJ – 4612 ។សភាពរឿងហេតុ:នៅថ្ងៃទីខែឆ្នាំវេលាម៉ោងមុនកើតហេតុកម្លាំងផ្នែកប្រឆាំងបទល្មើសគ្រឿងញៀន បានធ្វើការល្បាតក្នុងភូមិសាស្ត្រ ក៏ប្រទះឃើញមុខសញ្ញាចាស់ ឈ្មោះ អាន ពិចរ៉ា កំពុងជិះម៉ូតូចំនួន០១គ្រឿង នៅចំណុចភូមិ ស្អាងស្រែ ឃុំស្អាងភ្នំ ស្រុកស្អាង ខេត្តកណ្តាល ។ ភ្លាមនោះកម្លាំងផ្នែកប្រឆាំងបទល្មើសគ្រឿងញៀន បានធ្វើការត្រួតពិនិត្យជនសង្ស័យ ប៉ុន្តែពុំបានជួបប្រទះវត្ថុតាងទេ ។
ដោយទទួលបានបទបញ្ជាពី លោកស្នងការនគរបាលខេត្តកណ្តាល ដឹកនាំសម្របសម្រួល ពីលោកស្នងការរង ទទួលផែនប្រឆាំងបទល្មើស និងទទួលបានការឯកភាពពីលោកព្រះរាជអាជ្ញា នៃអយ្យការអមសាលាដំបូងខេត្តកណ្តាល អនុញ្ញាតអោយធ្វើការឆែកឆេររកវត្ថុតាង មានការដឹកនាំផ្ទាល់ ដោយលោក វរសេនីយ៍ឯក សេង សុជាតិ អធិការនគរបាលស្រុកស្អាង ធ្វើការត្រួតពិនិត្យ ឆែកឆេរ ផ្ទះរបស់ឈ្មោះ អាន ពិចរ៉ា នៅចំណុចភូមិ អម្ពិលលាស់ ឃុំក្រាំងយ៉ូវ ស្រុកស្អាង ខេត្តកណ្តាល បានរកឃើញម្សៅក្រាមពណ៌សថ្លា សង្ស័យជាសារធាតុញៀន(ម៉ាទឹកកក) ចំនួន ១កញ្ចប់តូច និងឧបករណ៍វេចខ្ចប់ ប្រើប្រាស់មួយចំនួន រួចឃាត់ខ្លួនជនសង្ស័យរួមនឹងវត្ថុតាង បញ្ជូនមកអធិការដ្ឋាននគរបាលស្រុកស្អាង ដើម្បីសាកសួរ ។ នៅចំពោះមុខសមត្ថកិច្ចនគរបាល ឈ្មោះ អាន ពិចរ៉ា បានអះអាងថា គ្រឿងញៀន(ម៉ាទឹកកក)ចំនួន ១កញ្ចប់ ខ្លួនបានទិញពីបុរសម្នាក់ មិនស្គាល់ឈ្មោះ នៅចំណុចពេទ្យលោកសង្ឍ រាជធានីភ្នំពេញ តម្លៃ៥០០០០រៀល ដើម្បីយកមកប្រើប្រាស់(ជក់)និងឧបករណ៍វេចខ្ចប់ជារបស់ខ្លួនពិតប្រាកដមែន។
បច្ចុប្បន្នជនសង្ស័យខាងលើបានឃាត់ខ្លួន នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងតាមនីតិវិធី ៕ ដោយ៖បញ្ញាស័ក្តិ
