ភ្នំពេញ ៖ បុរសម្នាក់ជាអនិកជនខ្មែរសញ្ជាតិបារាំងបានស្លាប់ខណៈពេលចូលទៅម៉ាស្សា។សមត្ថកិច្ចបានអោយដឹងថាករណី អនិកជនខ្មែរ សញ្ជាតិបារាំងស្លាប់ ដឹងកើតឡើងនៅថ្ងៃទី១១ខែមករាឆ្នាំ២០១៨នៅពេលដឹកចេញហាងម៉ាស្សាយីហោ អ័រគីដេរទីតាំងផ្ទះផ្លូវលេខ ២០៥ ក្រុម២៧ ភូមិទី ៤ សង្កាត់ ទំនប់ទឹកខណ្ឌចំការមនមកកាន់មន្ទីរពេទ្យមិត្តភាពខ្មែរសូរវៀត។
សពឈ្មោះ AK PASCALហៅ LIN NGUON ភេទ ប្រុសឆ្នាំកំណើត ១០ . ០១.១៩៥៩ មានអាយុ៥៩ឆ្នាំ(តាមអត្តសញ្ញាណប័ណ្ណសញ្ជាតិបារាំងលេខ១១០១PNH០០០១៦) ទីលំនៅផ្ទះលេខ០៥៤ ភូមិស្ទឹងថ្មី ឃុំ ដង្គុំ ស្រុក សៀមរាបខេត្តសៀបរាប។
អ្នកនៅកន្លែងកើតហេតុបានឱ្យដឹងថានៅថ្ងៃទី១០ខែមករាឆ្នាំ២០១៨ វេលាម៉ោងប្រហែល១២ ជនរងគ្រោះបានជិះរថយន្តមួយគ្រឿងម៉ាកព្រូសពណ៌សតែម្នាក់ឯងមកឈប់នៅមុខហាងម៉ាស្សា ដោយមានអាការៈស្រវឹងស្រា រួចចូលមកម៉ាស្សារយៈពេលមួយម៉ោង១ម៉ោង លុះម៉ាស្សាបានរយៈពេលប្រហែលកន្លះម៉ោង ជនរងគ្រោះប្រកាច់ទាញដៃជើងលែងមាត់ក រួចអ្នកម៉ាស្សាក៏រត់មកប្រាប់ថៅកែហាង ហើយម្ចាស់ហាងបាននាំគ្នាលើកជនរងគ្រោះដាក់លើរថយន្តរបស់ជនរងគ្រោះដឹកមកមន្ទីរពេទ្យមិត្តភាពខ្មែរសូរវៀត ចូលបន្ទប់សង្គ្រោះបន្ទាន់បានប្រហែល ១០នាទី គ្រូពេទ្យប្រាប់ថា ស្លាប់បាត់ហើយ។ សមត្ថកិច្ចសន្និដ្ឋានថា បុរសរូបនោះស្លាប់ដោយគាំងបេះដូង។ សាកសពយកទៅតំកល់ទុកនៅវត្តស្ទឹងមានជ័យ៕ ដោយ៖បញ្ញាស័ក្តិ
