ឧត្តរមានជ័យ ៖ ក្រសួងទេសចរណ៍បានចេញប្រកាសព័ត៌មានថា នៅព្រឹកថ្ងៃទី ៨ ខែកុម្ភ: ឆ្នាំ២០២០ មានក្រុមរថយន្តក្លាស៊ីក១០គ្រឿង របស់ទេសចរអឺរ៉ុប ពាក់ផ្លាកលេខរបស់ប្រទេសថៃ បានចូលមកទស្សនាព្រះរាជាណាចក្រកម្ពុជា តាមច្រកទ្វារអូរស្មាច់ ខេត្តឧត្តរមានជ័យ ដោយមានគម្រោងស្នាក់នៅកម្ពុជាចំនួន ៦យប់ និងទៅទស្សនាតំបន់ទេសចរណ៍សំខាន់ៗ មានដូចជា ខេត្តសៀមរាប ខេត្តបាត់ដំបង និងខេត្តបន្ទាយមានជ័យ។
ក្រុមរថយន្តក្លាស៊ីចនេះនឹងត្រឡប់ទៅវិញថ្ងៃទី ១៤ ខែកុម្ភៈ ឆ្នាំ២០២០ តាមច្រកទ្វារដដែល។
ការអញ្ជើញមកទស្សនារបស់ទេសចរអឺរ៉ុបនៅកម្ពុជានេះ បានបង្ហាញឲ្យឃើញពីភាពជឿជាក់ទុកចិត្តរបស់ទេសចរអន្តរជាតិ មកលើសន្តិសុខ សុវត្ថិភាព ការអភិវឌ្ឍរីកចម្រើន និងបដិសណ្ឋារកិច្ចស្វាគមន៍នៅកម្ពុជា។
ជារួម កម្ពុជានៅតែជាគោលដៅទេសចរណ៍ដ៏ទាក់ទាញ និងសុខសុវត្ថិភាពសម្រាប់ទេសចរជាតិ និងអន្តរជាតិ៕ ដោយ៖កូឡាប
