ភ្នំពេញ៖ ក្នុងសន្និសីទសារព័ត៌មាននៅព្រឹកថ្ងៃទី១០ កុម្ភៈនេះ នាទីស្តីការគណៈរដ្ឋមន្រ្តី លោក ផៃ ស៊ីផាន បានថ្លែងថា នៅលើពិភពលោក បានជួបនឹងវិបត្តិខ្វះខាតវត្ថុធាតុ ដើមដើម្បីផលិតនៅតាមរោងចក្ររបស់គេ ហើយបញ្ហានេះ ប្រហែលជាមានផលប៉ះពាល់ដល់កម្ពុជាផងដែរ ចំពោះរោងចក្រកមួយចំនួន ដែលទទួលវត្ថុធាតុដើមនៅប្រទេសចិន ហើយអាស្រ័យដោយប្រទេសចិនបានបិទទ្វាររោងចក្រទាំងអស់ ។
ពាក់ព័ន្ធនឹងបញ្ហានេះ លោក ហេង សួរ អ្នកនាំពាក្យក្រសួងការងារ បណ្តុះបណ្តាល និងវិជ្ជាជីវៈ បានឲ្យថា យ៉ាងហោចណាស់មានរោងចក្រចន្លោះពី១០ ទៅ១៥ កំពុងពិចារណាសុំព្យួរកិច្ចសន្យាការងារមួយ រយៈដោយសារតែខ្វះ “វត្ថុធាតុដើម” ដើម្បីដំណើរការសង្វាក់ផលិតកម្មរបស់ខ្លួន។
លោក បានបន្តថា បច្ចុប្បន្នរោងចក្រទាំងនោះបានជូនដំណឹងទៅក្រសួងការងាររួចរាល់ហើយ ហើយកំពុងពិភាក្សាជាមួយក្រសួង រកដំណោះស្រាយស្វែករកវត្ថុធាតុដើម ដើម្បីបំពេញសង្វាក់ផលិតកម្ម។ លោក បានបន្តថា ប្រសិនបើរោងចក្រទាំងអស់នោះ ត្រូវបិទទ្វាវានឹងប៉ះពាល់ដល់កម្មករកម្មការិនី រោងចកក្រប្រមាណពី៦ពាន់ទៅ៨ពាន់នាក់៕
សូមបញ្ជាក់ថា បញ្ហាវីរុសកូរ៉ូណា មិនបង្កផលប៉ះពាល់ដល់វិស័យឧស្សាហកម្មនៅកម្ពុជានោះទេ គឺ ដោយសារតែបញ្ហាការខ្វះវត្ថុធាតុដើម ពីប្រទេសចិន ដើម្បីមកបំពេញតម្រូវការសង្វាក់ផលិតកម្មរោងចក្រនៅកម្ពុជា ព្រោះថា វត្ថុធាតុដើម មានប្រភពមកពីប្រទេសចិន ស្របពេលដែលប្រទេសចិនកំពុងរងគ្រោះដោយវីរុសកូរ៉ូណា ដូច្នេះរោងចក្រជាច្រើនដែលផលិតវត្ថុធាតុដើម នៅក្នុងប្រទេសចិន បានផ្អាកការងារ ទើបធ្វើឲ្យមិនមានវត្ថុធាតុដើម សម្រាប់ផ្គត់ផ្គង់មកស្រុកខ្មែរ ៕ដោយ៖កូឡាប
