ភ្នំពេញ៖ ក្រសួងអប់រំយុវជន និងកីឡា នៅថ្ងៃទី១៤ខែមីនាឆ្នាំ២០២០ បានចេញសេចក្ដីប្រកាសព័ត៌មាន ស្ដីពី ការអនុវត្តវិស្សមកាលតូចមុនកាលកំណត់ សម្រាប់គ្រឹះស្ថានសិក្សាចំណេះទូទៅសាធារណៈ និងឯកជន នៅរាជធានីភ្នំពេញ និងក្រុងសៀមរាបពេលថ្មីៗនេះ ព្រះរាជាណាចក្រកម្ពុជា បានរកឃើញជាបន្តបន្ទាប់នូវវីរុសកូវីដ 19 លើជនបរទេសមានសញ្ជាតិផ្សេងៗ ដែលតម្រូវឲ្យមានវិធានការទប់ស្កាត់ជាបន្ទាន់។
ក្រសួងអប់រំយុវជននិងកីឡាបានចេញសេចក្តីប្រកាសប្រាប់សាធារណជនថា យោងតាមរបាយការណ៍ស្ថានភាពរាតត្បាតនៃវីរុសកូវីដ 19 របស់អង្គការសុខភាពពិភពលោក និងនៅពេលថ្មីៗនេះ ព្រះរាជាណាចក្រកម្ពុជាបានរកឃើញជាបន្តបន្ទាប់នូវវីរុសកូវីដ 19 លើជនបរទេសមានសញ្ជាតិផ្សេងៗ ដែលតម្រូវឲ្យមានវិធានការទប់ស្កាត់ជាបន្ទាន់។
ក្រសួងសូមធ្វើការណែនាំគ្រឹះស្ថានសិក្សា សាធារណៈ និងឯកជន នៅរាជធានីភ្នំពេញ និងក្រុងសៀមរាប គឺចាប់អនុវត្តវិសមកាលតូចមុនកាលកំណត់ពីថ្ងៃចេញសេចក្តីប្រកាសព័ត៌មាននេះ រហូតដល់ពេលចូលរៀនឡើងវិញ។ សម្រាប់គ្រឹះស្ថានដែលមិនទាន់បញ្ចប់ ការវាយតម្លៃលទ្ធផលសិក្សារបស់សិស្សក្នុងឆមាសទី 1 ក្រសួងតម្រូវឲ្យយកលទ្ធផលសិក្សា ជាមធ្យមភាគនៃពិន្ទុប្រចាំខែចាប់ពីខែធ្នូឆ្នាំ 2019 រហូតដល់ខែកុម្ភៈឆ្នាំ 2020 ជាមធ្យមភាគពិន្ទុប្រចាំឆមាសទី 1។ ចំពោះគ្រឹះស្ថានសិក្សាអន្តរជាតិគណៈគ្រប់គ្រងត្រូវពិគ្រោះយោបល់ ជាមួយមាតាបិតា អ្នកអាណាព្យាបាលសិស្ស ដើម្បីចាត់វិធានការទប់ស្កាត់ និងអនុវត្តតាមវិធានការបង្ការ និងទប់ស្កាត់របស់អង្គការសុខភាពពិភពលោក។ ក្នុងអំឡុងវិសមកាលតូច មាតាបិតា អ្នកអាណាព្យាបាល គ្រប់រូបត្រូវជំរុញ ឲ្យកូនចៅធ្វើស្វ័យសិក្សា នៅតាមផ្ទះនឹងត្រូវមើលថែកូនចៅ និងជិះវៀងទៅកន្លែងមួយចំនួន ដែលប្រឈមនឹងការឆ្លងមេរោគខ្ពស់ ដូចជាកន្លែងហែលទឹក សាធារណៈ កន្លែងហាត់ប្រាណ សួនកុមារ និងកន្លែងផ្សេងទៀត ដែលមានហានិភ័យខ្ពស់ ក្នុងការឆ្លងវីរុសកូវីដ១៩៕
