ខេត្តកំពង់ធំ៖ អាជ្ញាធរមីន បានចេញប្រកាសព័ត៌មានថា នៅថ្ងៃទី២៥ ខែមីនា ឆ្នាំ២០២០ វេលាម៉ោង ១៣និង ៣០នាទី នៅភូមិគិរីវ័ន្ត ឃុំកកោះ ស្រុកសន្ទុក មានករណីគ្រោះថ្នាក់ដោយសំណល់ជាតិផ្ទុះពីសង្គ្រាម បណ្ដាលឱ្យរងរបួសក្មេងប្រុសចំនួន ២នាក់។
ជនរងគ្រោះ មាន ១-ឈ្មោះ លេង យូរី អាយុ ១៣ ឆ្នាំ រស់នៅភូមិសំណាក ឃុំកកោះ ស្រុកសន្ទុក ( របួសធ្ងន់) ២-ឈ្មោះ ស៊ឹម សុផល អាយុ១៣ ឆ្នាំ រស់នៅភូមិសំណាក ឃុំកកោះ ស្រុកសន្ទុក ( របួសស្រាល)។
បើតាមអាជ្ញាធរមូលដ្ឋាន បានឲ្យដឹងថា ករណីនេះ បណ្តាលមកពីក្មេងទាំងពីរនាក់ បានដើរទៅរកបាញ់សត្វ ក៏ប្រទះឃើញគ្រាប់បែកដៃ នៅលើដី ហើយបាននាំគ្នារើសយកមកគប់លេង ទៅមកបណ្ដាលឱ្យផ្ទុះ។ បច្ចុប្បន្នជនរងគ្រោះ បានបញ្ជូនទៅសម្រាកព្យាបាលនៅមន្ទីរពេទ្យខេត្តកំពង់ធំ៕ដោយ៖កូឡាប