ភ្នំពេញ៖ ប្រកាសជូនរង្វាន់ ដល់ប្រជាពលរដ្ឋគ្រប់រូប ដែលអាចផ្តល់ដំណឹងអំពីអ្នកម្ចាស់សំឡេងបំពុល និងក្លែងក្លាយព័ត៌មានថាអ្នកស្លាប់និងឆ្លងជំងឺកូវី១៩នៅផ្សារជម្ពូរវ័ន្ត។ អភិបាលខណ្ឌពោធិ៍សែនជ័យ លោកហែម ដារិទ្ធិ បានអះអាងថា ខ្ញុំបាទសូមជូន12,000,000រៀល ដល់បងប្អូនណា ដែលស្គាល់អ្នកដើរនិយាយបំប៉ោងបំពុលសង្គមនូវពាក្យចរចាមរ៉ាមថា៖ នៅផ្សារជម្ពូវ័នមានករណីអ្នកលក់ទូរស័ព្ទស្លាប់ដោយជំងឺCovid-19 ហើយផ្សារត្រូវបានបិទនោះ ។
នៅយប់នេះ “២៦មីនា” មានអ្នកបំផុសព័ត៌មានក្លែងក្លាយទៀតហើយ លោកម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញបានច្រានចោលទាំងស្រុង នូវសារជាសំឡេង ចចាមអារ៉ាមថា នៅផ្សារជម្ពូវ័ន មានករណីអ្នកលក់ទូរស័ព្ទម្នាក់ស្លាប់ ដោយជំងឺកូវីដ១៩ និងមានអ្នកឆ្លង៥នាក់ទៀត ហើយផ្សារបិទទាំងស្រុង នេះគឺជាព័ត៌មានមិនពិត មិនមានករណីបែបនេះទេ ហើយផ្សារនៅបើកលក់ជាធម្មតា។
សូមបងប្អូនកុំជឿលើប្រព័ន្ធផ្សព្វផ្សាយណា ដែលមិនមានអង្គភាព ច្បាស់លាស់។
អ្នកនាំពាក្យ បញ្ជាក់ទៀតថា អាជ្ញាធររាជធានីបាននឹងចាត់វិធានការស្រាវជ្រាវ តាមរកជនល្មើសមកផ្តន្ទាទោស ទៅតាមច្បាប់។
ចំណែកអភិបាលខណ្ឌពោធិ៍សែនជ័យប្រកាសជូនរង្វាន់ អ្នករកម្ចាស់សំឡេងបំពុលនិងក្លែងក្លាយព័ត៌មានខាងលើទៀតផង៕ដោយ៖កូឡាប