ប៉ូលិសព័រទុយហ្កាល់ និងអេស្បាញទើប បំបែកករណីជូញដូរគ្រឿងញៀនដ៏ធំមួយរវាងអាមេរិកខាងត្បូង និងទ្វីបអឺរ៉ុប។ ប្រការពិសេសបំផុតនោះ គឺគ្រឿងញៀន ៧៤៥ គីឡូក្រាម បានលាក់យ៉ាង “ស្អាត” ក្នុងផ្លែម្នាស់។
បើសម្លឹងមើលពីក្រៅវាជាសំបកម្នាស់ពិតៗ មានភ្នែកម្នាស់ពណ៌ខៀវ។ ប៉ុន្តែផ្នែកសាច់ខាងក្នុងនៃម្នាស់ គឺជាប្រអប់ផ្ទុកគ្រឿងញៀន ធ្វើពីក្រមួន។ ផ្លែម្នាស់ទាំងនោះត្រូវបានរៀបទុកក្នុងកេស ដូចកេសផ្លែឈើដទៃទៀត ច្រើននាំចូលពីអាមេរិកខាងត្បូង។
ប៉ូលិសនៅបាន “រុះរើ” បន្ទប់កែច្នៃគ្រឿងញៀននេះរកឃើញលុយ ៤០០.០០០អឺរ៉ូ ក្នុងទូដែកផងដែរ។
បងប្អូន២នាក់ សញ្ជាតិកូឡំប៊ីជាមេក្លោង នៃបណ្តាញគ្រឿងញៀននេះ។ ពួកវាបានបង្កើតបន្ទប់កែច្នៃគ្រឿងញៀន នៅតាមទីក្រុងតូចៗ ជិតរដ្ឋធានី Madrid របស់អេស្បាញ។
ប៉ូលិសឲ្យដឹងថា គ្រឿងញៀនទាំងនេះត្រូវបានស្តុកទុកនៅ Terrasa Bacelona មុនពេលជញ្ជូនទៅកាន់បន្ទប់កែច្នៃ ដោយប្រើរយៈពេលពី ១៥ថ្ងៃ-២០ថ្ងៃ ទើបដឹកម្តង។
ក្រោយកែច្នៃរួចវាត្រូវបានដឹកទៅកាន់ទីកន្លែងច្រើន តាមផ្លូវសមុទ្រ ចន្លោះ Lisboon (ព័រទុយហ្កាល់) ទៅដល់ Panama ។
ប៉ូលិសឲ្យដឹងបន្ថែមថា គេបានស៊ើបអង្កេតបណ្តាញគ្រឿងញៀននេះតាំងពីខែ មេសា ២០១៧ មកម្ល៉េះ៕ ចន្ទ្រា
