អង់គ្លេស ៖ នាយករដ្ឋមន្ត្រីអង់គ្លេស លោក Boris Johnson ត្រូវបានគេបញ្ជូនទៅកាន់បន្ទប់សង្គ្រោះបន្ទាន់កាលពីថ្ងៃចន្ទ បន្ទាប់ពីរោគសញ្ញាវីរុសកូរ៉ូណារបស់លោកកាន់តែធ្ងន់ធ្ងរឡើង។ ទោះយ៉ាងណាក៏ដោយ ការិយាល័យរបស់លោកបញ្ជាក់ថា លោកនៅតែមានស្មារតីល្អ។
អង់គ្លេសមិនទាន់មានផែនការឲ្យមានការស្នងតំណែងជាផ្លូវការជំនួសរូបលោកឡើយ ប្រសិនជាលោកធ្វើការលែងកើត ប៉ុន្តែលោក Boris Johnson ដែលបច្ចុប្បន្នមានវ័យ ៥៥ឆ្នាំ បានស្នើឲ្យរដ្ឋមន្ត្រីការបរទេសលោក Dominic Raab ធ្វើការតំណាងគាត់។
នៅក្នុងសេចក្តីប្រកាសបានបញ្ជាក់ថា “ពេញមួយរសៀលនេះ ស្ថានភាពរបស់លោកនាយករដ្ឋមន្ត្រីកាន់តែធ្ងន់ធ្ងរទៅៗ ហើយតាមការណែនាំរបស់ក្រុមគ្រូពេទ្យ លោកត្រូវបានគេបញ្ជូនទៅកាន់បន្ទប់ថែរទាំងបន្ទាន់ក្នុងមន្ទីរពេទ្យ”។
“នាយករដ្ឋមន្ត្រីបានស្នើឲ្យរដ្ឋមន្ត្រីការបរទេសដើម្បីធ្វើការតំណាងរូបលោកក្នុងពេលចាំបាច់”។
សូមបញ្ជាក់ថា ប្រទេសអង់គ្លេសបានប្រកាសបិទប្រទេសកាលពី ២សប្តាហ៍មុន បន្ទាប់ពីមានការរីករាលដាលឆ្លងវីរុសកូរ៉ូណាខ្លាំង ហើយបច្ចុប្បន្ន ការរាតត្បាតនៅអង់គ្លេស កំពុងតែមានភាពធ្ងន់ធ្ងរខ្លាំង។
បើតាមតួលេខ មានអ្នកឆ្លងវីរុសជាង ៥០.០០០នាក់ និងមានអ្នកស្លាប់ច្រើនជាង ៥០.០០០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia