ភ្នំពេញ-តារាចម្រៀងថៃល្បីឈ្មោះ James នឹងចូលរួមព្រឹត្តិការណ៍សប្បាយរីករាយ នៅថ្ងៃទី១៣ តុលា ខាងមុខនេះ ខណៈដែលតារាជួរមុខរបស់ថៃរូបនេះ បានអញ្ជើញជាភ្ញៀវកិត្តិយសក្នុងកម្មវិធីរបស់ក្លឹបកម្សាន្ត Empire Club រួមជាមួយនឹងតារាចម្រៀង ល្បីៗរបស់កម្ពុជាផងដែរ ដែលចាប់ដៃគ្នាអង្រួនក្លឹបមួយនេះ ឲ្យពោពេញដោយភាពសប្បាយរីករាយ។
អ្នកស្រីដាណា ម្ចាស់ក្លឹបកម្សាន Empire Club បានបញ្ជាក់ថា តារាចម្រៀង Jame ពិតជាទទួលបានអារម្មណ៍ប្លែក ជាមួយនឹងបទពិសោធន៍ថ្មី បច្ចេកទេសសំឡេងបទភ្លេងកន្ត្រាក់អារម្មណ៍ ភ្លើងពណ៌អស្ចារ្យ និងដំបូងបំផុតនៅកម្ពុជាដែលមាននៅក្លិប EmpireClub ដែលទើបកែច្នៃថ្មីបន្ថែមទៀត។
លោកស្រីបន្តថា ពិសេសយប់ថ្ងៃទី១៣ តុលា ឆ្នាំ២០១៧នេះ លោកអ្នកដែលគាំទ្រក្លិបកម្សាន្តយើងពិតជាបានសប្បាយរីករាយជាមួយតារាថៃ លោកJames ដែលនេះជាលើកទី១ក្លឹបយើងពាំនាំមកហើយគោលបំណងគ្រាន់តែចង់បំពេញការគាំទ្ររបស់ប្រិយមិត្តយើង ដែលស្រឡាញ់ចូលចិត្តឲ្យតម្លៃក្លឹបមួយនេះអាចដំណើរការតាំងពីបើកមក។ អ្វីដែលពិសេសកម្មវិធីនេះតារាថៃ និងក្លឹបយើងក៏បានយកថិវកាមួយចំនួនជួយដល់កុមារតាមអង្គការមួយចំនួននៅរាជធានីភ្នំពេញ ដែលនេះជាទំលាប់របស់ក្លិបសហការជាមួយតារាថៃ។ ទោះបីជាយ៉ាងណាកម្មវិធីកម្សាន្តសប្បាយទាំងនេះមិនទាន់អស់ឡើយដោយយើងនៅមានគម្រោងនាំយកតារាបរទេសល្បីៗជាច្រើនទៀតមកសម្តែងនៅក្លឹបយើងខ្ញុំ ពិសេសនៅបំណាច់ចុងឆ្នាំនេះ ដែលមានបុណ្យសំខាន់ៗជាច្រើនដែលនាំឲ្យសប្បាយរីករាយ។
សូមរំលឹកថា នេះមិនមែនជាលើកទីមួយទេ សម្រាប់តារាល្បីៗរបស់ថៃ ដែលបានចូលមកប្រទេសកម្ពុជា តាមរយៈការអញ្ជើញ នៃម្ចាស់ក្លឹបកម្សាន្ត Empire Club បន្ទាប់ពីចូលច្រៀងរាំអង្រួនក្លឹបហើយ លោក Jame នឹងនាំយកថវិកា និងសម្ភារៈមួយចំនួនទៅចែកជូនដល់កុមារនៅតាមបណ្តាអង្គការនានាផងដែរ៕ដោយ-គីម ស្រីរ័ត្ន
