កណ្តាល៖ស្ត្រីម្នាក់ដែលចាក់សម្លាប់ប្រុសស្នេហ៍របស់ខ្លួន ពេលនាំគ្នាឡើងផ្ទះសំណាក់សំណាងណាស់ ត្រូវបាននគរបាលខេត្តកណ្តាលស្រាវជ្រាវចាប់ខ្លួនបានហើយ ហើយបាននាំខ្លួនស្ត្រីរូបនេះទៅយកម៉ូតូរបស់ជនរងគ្រោះ និងនាំខ្លួនទៅធ្វើត្រាប់នៅកន្លែងកើតហេតុ នាព្រឹកថ្ងៃទី២៥ខែមករាឆ្នាំ២០១៨នេះ។
ទោះយ៉ាងណា សមត្ថកិច្ច មិនទាន់បង្ហាញអត្តសញ្ញាណជនសង្ស័យនៅឡើយទេ។ សូមបញ្ជាក់ថា ហេតុការណ៍នេះកើតឡើង កាលពីថ្ងៃទី២១ខែមករាឆ្នាំ២០១៨ ស្ថិតនៅក្នុងបន្ទប់លេខ១១ ផ្ទះសំណាក់សំណាងណាស់ ក្នុងភូមិត្រពាំងសុក្រំ ឃុំបែកចាន ស្រុកអង្គស្នួល ខេត្តកណ្តាល ។ ជនរងគ្រោះឈ្មោះនួន សុភាព អាយុ៥៨ឆ្នាំ មុខរបរបើកហាងកោសជប់ និងម៉ាស្សា និងជាអ្នកសារព័ត៌មានសំឡេងប្រជាជន មានទីលំនៅក្នុងភូមិស្រែអំបិល សង្កាត់ស្នោ ខណ្ឌពោធិ៍សែនជ័យ រាជធានីភ្នំពេញ ត្រូវបានស្រីស្នេហ៍ចាក់ចំនួន១៧កាំបិត ស្លាប់ក្នុងបន្ទប់ផ្ទះសំណាក់៕ ដោយ៖បញ្ញាស័ក្តិ
