ខេត្តកណ្តាល៖ ក្នុងកិច្ចប្រតិបត្តិការ ស្រាវជ្រាវ ស៊ើបអង្កេតបំបែកករណី ឃាតកម្ម នៅផ្ទះសំណាក់សំណាងណាស់ ស្ត្រីជាឃាតករបានសារភាពថា ផ្តើមចេញពីរឿងត្រូវការលុយចំនួន២.៥០០ដុល្លារ ដើម្បីរត់ការដោះស្រាយរឿងប្តីជាប់ពន្ធធនាគារព្រៃសដែលប្រព្រឹត្តគ្រឿងញៀន។
នៅថ្ងៃទី២៦ ខែមករា ឆ្នាំ២០១៨នេះ នគរាបាលស្រុកអង្គស្នួល បានបញ្ជាក់ថា តាមរយៈកិច្ចប្រតិបត្តិការ ស្រាវជ្រាវស៊ើបអង្កេត ជំនាញ និង ដោយបានការចូលរួមកិច្ចសហការ ដឹកនាំ និងការសម្របសម្រួល សមត្ថកិច្ច ឈានទៅកំណត់បានមុខសញ្ញាជនសង្ស័យ ធ្វើសកម្មភាព និងឈានទៅដល់ការឃាត់ឈ្មោះ ផេង ណាន ហៅ ណា ភេទស្រី អាយុ៣៣ឆ្នាំ ជនជាតិខ្មែរ មុខរបរ នារីម៉ាស្សា ស្នាក់នៅ ភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។
ឆ្លងតាមលទ្ធផល ស៊ើបអង្កេតស្រាវជ្រាវ រយៈពេល៤ថ្ងៃ កម្លាំងជំនាញខេត្ត និងស្រុក សហការជាមួយកម្លាំងរាជធានីភ្នំពេញ និងកម្លាំងនាយកដ្ឋានព្រហ្មទណ្ឌក្រសួងមហាផ្ទៃ បានបំបែកសំណុំរឿងករណីឃាតកម្ម ដល់ថ្ងៃទី២៤ ខែមករា ឆ្នាំ២០១៨ វេលាម៉ោង១៧និង២៣នាទី ទើបឈានដល់ការឃាត់ខ្លួនជនសង្ស័យបាននៅចំណុចភោជនីយដ្ឋានវាលស្រែ១០០ ស្ថិតនៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ហើយធ្វើការនាំខ្លួនមកកាន់អធិការដ្ឋាននគរបាលស្រុក អង្គស្នួល ដើម្បីបន្តចាត់ការតាមនីតិវិធី ។
នៅចំពោះសមត្ថកិច្ចនគរបាល ជនសង្ស័យបានឆ្លើយសារភាពថា៖ “នៅមុនពេលកើតហេតុ ជនរងគ្រោះ បានទូរស័ព្ទទៅជន
សង្ស័យបបួលមករួមភេទ ពេលនោះជនសង្ស័យដោយសារមានការខ្វះខាត លុយចំនួន២.៥០០ដុល្លារ ដើម្បីរត់ការដោះស្រាយប្តីជាប់ពន្ធនាគារព្រៃស និងឃើញជនរងគ្រោះមានគ្រឿង អលង្ការជាប់ខ្លួនច្រើន ក៏មានគំនិតចង់សម្លាប់ជនរងគ្រោះដើម្បីប្លន់យកទ្រព្យសម្បត្តិនោះ ។ ពេលនោះ ជនសង្ស័យបានទារតម្លៃខ្លួន ក្នុងការរួមភេទចំនួន១០ម៉ឺនរៀល តែជនរងគ្រោះឲ្យតែ២០ដុល្លារ ជនសង្ស័យក៏ យល់ព្រមទៅជាមួយ រួចជនសង្ស័យបានរៀបចំគម្រោងទុកជាមុនដោយបានយកកូនកាំបិតចុងស្រួច លាក់ទុកក្នុងកាបូបរួចជាស្រេច ។ លុះដល់ថ្ងៃទី២១ខែមករាឆ្នាំ២០១៨ វេលាម៉ោងប្រហែល១១ ជនសង្ស័យបានតេទូរស័ព្ទតាមរយៈលេខ096-6284396 ទៅជនរងគ្រោះលេខទូរស័ព្ទ015-504975 ដើម្បីណាត់គ្នា រកកន្លែងរួមភេទ ។ លុះដល់ម៉ោងប្រហែល១២ថ្ងៃត្រង់ ជនរងគ្រោះបានជិះម៉ូតូមកទទួលជនសង្ស័យនៅ ចំណុចមុខច្រកចូលភូមិបូរីកម្មករ ឃុំបែកចាន ដើម្បីទៅចូលដេកផ្ទះសំណាក់កើតហេតុ ដែលមានចម្ងាយប្រហែល០,៥គីឡូម៉ែត្រ ។ ពេលចូលដល់ក្នុងបន្ទប់ផ្ទះសំណាក់ ជនរងគ្រោះបានផ្លាស់កន្សែងចូលងួតទឹកក្នុងបន្ទប់ទឹក ឆ្លៀតឱកាសនោះ ជនសង្ស័យ បានយកកូនកាំបិត ពីក្នុងកាបូប លាក់ទុកក្រោមខ្នើយដេក ។ ជនរងគ្រោះរួមភេទជាមួយជនសង្ស័យដោយដេកផ្ងារឡើងលើ ឲ្យជនសង្ស័យអង្គុយរួមភេទពីលើ នៅពេលកំពុងតែរួមភេទជនសង្ស័យឃើញជនរងគ្រោះស្រើបស្រាលអារម្មណ៍ជិតដល់កំពូលភ្លេចខ្លួន ក៏យកកូនកាំបិតពីក្រោមខ្នើយ ចាក់ជនរងគ្រោះពីលើជាច្រើនកាំបិត ក៏មានការប្រតាយប្រតប់គ្នា ធ្លាក់ពីលើគ្រែ ពេលនោះ ជនរងគ្រោះខំប្រឹងស្រែក តែត្រូវបានជនសង្ស័យយកខ្នើយសង្កត់ខ្ទប់មាត់ និងចាក់បន្ថែមរហូតដល់ស្លាប់ “។
ជនសង្ស័យបានសារភាពបន្តថា ក្រោយមកជនសង្ស័យចាក់សម្លាប់ជនរងគ្រោះហើយ បានមកងួតទឹកសម្អាតខ្លួនរួច ទើបយកគ្រឿងអលង្ការ លុយ ទូរស័ព្ទ និងម៉ូតូរបស់ជនរងគ្រោះយកទៅលក់ ។ បើតាមការសន្និដ្ឋានរបស់សមត្ថកិច្ចជំនាញ បានបញ្ជាក់ថា ៖ ជនរងគ្រោះស្លាប់ ដោយអំពើឃាតកម្មគិតទុកជាមុន ដោយផ្ដើមចេញពីអំពើប្លន់យកទ្រព្យសម្បត្តិ ។ មូលហេតុជនសង្ស័យត្រូវការ លុយចំនួន២.៥០០ដុល្លារ ដើម្បីរត់ការដោះស្រាយរឿងប្តីរបស់ខ្លួនឈ្មោះ សាត ប៊ុនចាន់ អាយុ៣៤ឆ្នាំ ជនជាតិខ្មែរ មុខរបរបើកបររថយន្តដឹកដី ស្នាក់នៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ បច្ចុប្បន្នកំពុងជាប់ពន្ធនាគារព្រៃស ពីបទល្មើសគ្រឿងញៀន។
សូមបញ្ជាក់ថា ករណី ឃាតកម្ម នៅផ្ទះសំណាក់សំណាងណាស់ កាលពីថ្ងៃទី២១ខែមករាឆ្នាំ២០១៨ នៅចំណុចផ្ទះសំណាក់សំណាងណាស់ បន្ទប់ជួល ជួរខាងត្បូង បន្ទប់លេខ១១ ស្ថិតនៅភូមិ ត្រពាំងសុក្រំ ឃុំបែកចាន ស្រុកអង្គស្នួល ខេត្តកណ្ដាល។ តាមរយៈការស៊ើបអង្កេត ស្រាវជ្រាវ និងការគ្រប់គ្រងមុខសញ្ញាផ្ទះម៉ាស្សា កោសជប់នៅក្នុង មូលដ្ឋាន សមត្ថកិច្ចបានរកឃើញអត្តសញ្ញាណជនរងគ្រោះ ឈ្មោះ នួន សុភាព (នួន ភាព) ភេទប្រុស អាយុ៥៨ឆ្នាំជនជាតិខ្មែរ មុខរបរបើកហាង ម៉ាស្សា និងជាអ្នកសារព័ត៌មានសម្លេងប្រជាជន បច្ចុប្បន្នស្នាក់នៅភូមិស្រែអំពិល សង្កាត់ស្នោ ខណ្ឌ ពោធិ៍សែនជ័យ រាជធានីភ្នំពេញ៕
