ប្រិយមិត្តបានស្គាល់ហើយ អ្នកស្រី ទ្រី ដាណា ថៅកែហាងលក់មាសពេជ្រដ៏ល្បីឈ្មោះ និងជាបុគ្គលក្នុងសង្គមមួយរូប ដែលមានទឹកចិត្តសប្បុរសធម៌ ដែលតែងតែបានជួយទៅដល់បងប្អូនប្រជាពលរដ្ឋមានជីវភាពខ្វះខាត និងជួបបញ្ហាទុក្ខលំបាកផ្សេងៗជាច្រើនផងដែរ។
ជាមួយភាពជោគជ័យមុខរបរដែលទទួលបានការគាំទ្រពីអតិថិជនដ៏ច្រើនលើសលប់ អ្នកស្រី ទ្រី ដាណា និងស្វាមី ត្រូវបានគេចាត់ទុកថា ជាគ្រួសារលំដាប់អភិជនដ៏លេចធ្លោមួយ ។
និយាយដោយឡែក ចំពោះទ្រព្យសម្បតិ្តជាមធ្យោបាយសម្រាប់ធ្វើដំណើរវិញ គ្រួសារអ្នកស្រី ទ្រី ដាណា មានរថយន្តស៊េរីទំនើបប្រភេទ Rolls Royce ដល់ទៅ២គ្រឿង ដោយថ្មីៗនេះ ស្វាមីអ្នកស្រីលោក ហ៊ា រិទ្ធ បានបង្ហោះរូបភាពយន្តទើបទិញរថយន្ត Rolls Royce ដែលជាសមាជិកថ្មីដ៏ប្រណីត១គ្រឿងទៀត នៅលើហ្វេសប៊ុករបស់ខ្លួន ដោយលោកបានសរសេររៀបរាប់ថា៖ «ថ្ងៃនេះថ្ងៃជាវេលាល្អ នាំស្រីសរចូលផ្ទះ សុំឲ្យហេង ហេង ល្បីរន្ទឺNNPអ្នកគ្រប់ទិសទីគោរពរាប់អាន។»
បើតាមប្រភពក្រៅផ្លូវការមួយឲ្យដឹង នោះរថយន្ត Rolls-Royce Cullinan ថ្មីនេះ គឺជាស៊េរីទំនើបបំផុតក្នុងចំណោមលំដាប់ Roll Royce ដែលអ្នកស្រី ទ្រី ដាណា ទើបបានបញ្ជាទិញប្រមាណ ១០ថ្ងៃមុន និងទើបមកដល់ថ្មីៗនេះ ហើយ ទ្រី ដាណា ក៏បានបង្ហាញមុខចូលទៅទទួលយកសមាជិកថ្មីកាលពីព្រឹកម្សិលមិញពីហ្គារ៉ាស់ធំមួយក្នុងរាជធានីភ្នំពេញ។ ចំពោះតម្លៃ ប្រភពមួយបានលួចបង្ហើបថាប្រភេទរថយន្ត Rolls-Royce Cullinan គឺមានតម្លៃប្រមាណជាង ៩០ ម៉ឺនដុល្លារអាមេរិកឯណោះ៕
ដោយ៖ លឹម ហុង
