Monday, November 28, 2022

ពិតជា​ពី​រោះ​រណ្តំ​! ព្រះ​នាង​តូច ជេន​ណា Cover បទ “Monica” ដើម្បី​អបអរសាទរ​ព្រះ​រាជពិធី​ចម្រើន​ព្រះជន្ម​ស​ម្តែ​ច​ម៉ែ​គម្រប់ ៨៤ យាង​ចូល ៨៥ ព្រះវស្សា (​វីដេអូ​)

spot_img

​ដូចដែល​ប្រិ​យ​មិ​ត​បាន​ស្គាល់ និង​ជ្រាប​ច្បាស់​រួចហើយ​ថាអ្នកអង្គម្ចាស់​ក្ស​ត្រី​តូច នរោត្តម ជេន​ណា ថ្វីបើ​ទើបតែ​មាន​អាយុ ៨ ព្រះវស្សា តែ​ទ្រង់​ហាក់​មាន​ដុង​ផ្នែក​សិល្បៈ​គួរ​ឲ្យ​កោតសរសើរ​បំផុត ដែលមាន​សមត្ថភាព​ធ្វើបាន​ស្ទើរ​គ្រប់​ទម្រង់​ក្នុងនោះ​ដូចជា​ការសម្តែង និង​ចម្រៀង ជាដើម​។​

​ជាក់ស្តែង កាលពី​ថ្ងៃទី​១៧ ខែមិថុនា ឆ្នាំ​២០២០ នៅលើ​គណនី​ហ្វេ​ស​ប៊ុ​ក​របស់​ព្រះ​នាង​តូច នរោត្តម ជេន​ណា បាន​បង្ហោះ​នូវ​បទ​ចម្រៀង​មួយ​បទ​ច្រៀង​ឡើងវិញ ដោយ​ព្រះ​នាង​ផ្ទាល់ ក្រោម​ចំណងជើង​ថា “​ម៉ូ​នី​កា​/Monica” ។ បទ​នេះ​គឺជា​ស្នាដៃ​ព្រះរាជ​និពន្ធ ដោយ​ព្រះ​បរម​រតន​កោដ្ឋ សម្ដេចព្រះ​នរោត្តម សីហនុ ក្នុង​ឆ្នាំ ១៩៥៣​។​

​ជាមួយគ្នា​នោះ ព្រះ​នាង​តូច ជេន​ណា ក៏បាន​ភ្ជាប់​សារ​ជូន​ព្រះ​ពរ​ដល់​ថ្ងៃ​ចម្រើន​ព្រះជន្ម​សម្តេចម៉ែ ដែលជា​ហ្លូ​ង​យាយទួត​របស់​ព្រះ​នាង ផងដែរ​ថា​៖ «​ខ្ញុំម្ចាស់ សូមក្រាបបង្គំទូល​ថ្វាយ​ព្រះ​ពរ ហ្លូ​ង​យាយទួត សម្ដេចព្រះ​មហាក្សត្រី នរោត្តម មុនិនាថ សីហនុ ព្រះវររាជ​មាតា​ជាតិខ្មែរ ជាទី​សក្ការ​ដ៏​ខ្ពង់​ខ្ពស់បំផុត ក្នុងឱកាស ព្រះ​រាជពិធី​បុណ្យចម្រើនព្រះជន្ម គម្រប់ ៨៤ យាង​ចូល ៨៥ ព្រះវស្សា របស់​ព្រះអង្គ​។ សូម ហ្លួង​យាយទួត គង់​មាន​ព្រះ​ជន្មាយុ​យឺនយូរ មាន​ព្រះ​បញ្ញាញាណ​វាងវៃ និង​ព្រះរាជសុខភាព​មាំមួន ដើម្បី​គង់នៅ​ជា​ម្លប់​ដ៏​ត្រជាក់ត្រជុំ​ដល់​ប្រជានុរាស្ត្រ​របស់​ព្រះអង្គ​។​»៕

ដោយ​៖ លឹម ហុង​