Tuesday, October 4, 2022

ប្តី​ចាក់​សម្លាប់​ប្រពន្ធ នៅ​ចំពោះមុខ​កូនៗ​ទាំងពីរ យំ​អង្រួន​សព​ម្តាយ​ឲ្យ​ក្រោក​ឡើង និង​សូម្បី​ដេក​ឱប ឃើញ​ហើយ​ទប់ទឹក​ភ្នែក​ពុំជា​ប់​ទេ​!

spot_img

​ស្ត្រី​ជនជាតិ​រ៉ូ​ហ៊ីង​យ៉ា​មកពី​ប្រទេស​មី​យ៉ាន់​ម៉ា បាន​ស្លាប់​យ៉ាង​អាណោចអាធ័ម បន្ទាប់ពី​ត្រូវ​ប្តី​របស់​នាង​ចាក់​សម្លាប់​នៅមុខ​ផ្ទះ​របស់​ពួកគេ នៅ Kampung Gong Garu, Pasir Puteh ។​

Harian Metro បាន​រាយការណ៍​ថា ស្ត្រី​ឈ្មោះ Noor Begum Dil Muhammad អាយុ ២៨ ឆ្នាំ ត្រូវ​ប្តី​របស់​នាង​ចាក់​សម្លាប់​ដោយ​កាំបិត​បន្លែ នៅវេលា​ម៉ោង ៩ និង ៣០ នាទី​ព្រឹក​ថ្ងៃទី​១៧ ខែមិថុនា ឆ្នាំ​២០២០​។​

​អ្វីដែល​គួរឱ្យ​រន្ធត់​ជាងនេះទៅទៀត​នោះ គឺ​ការចាក់សម្លាប់​នេះ​បាន​កើតឡើង នៅ​ចំពោះមុខ​កូន​ទាំងពីរ​របស់​ពួកគេ ដែលមាន​អាយុ​ទើបតែ ៣ និង ៤ ឆ្នាំ ប៉ុណ្ណោះ​។​

​អ្នក​ជិត​ម្នាក់​គេ​ឈ្មោះ Maimun Chik អាយុ ៤៧ ឆ្នាំ បាន​និយាយថា គាត់​កំពុង​លាងចាន នៅពេលនោះ​គាត់​ក៏​បានឮ​សំឡេង​ចេញពីផ្ទះ​របស់​ប្តី​ប្រពន្ធ​នោះ ហើយក៏​បាន​រត់​ចេញមក​មើល​។​

Chik បាន​បន្តថា​៖ “​ខ្ញុំ​ពិតជា​រន្ធត់​ខ្លាំងណាស់ ដែល​ឃើញ​ជនរងគ្រោះ​ដេក​ស្តូកស្តឹង​នៅខាងមុខ​ផ្ទះ​ខ្ញុំ ក្នុង​ថ្លុកឈាម ខណៈពេលដែល​ក្មេង​តូចៗ​២​នាក់ ជា​កូន​របស់​របស់​នាង​យំ នៅក្បែរ​សព​ម្តាយ​របស់​ពួកគេ​” ។​

​ខ្ញុំ​តែងតែ​ឮ​ពួកគេ (​ប្តី​ប្រពន្ធ​) ឈ្លោះប្រកែក​គ្នា ប៉ុន្តែ​មិនបាន​នឹកគិត​ថា​វា​អាច​បង្កឱ្យមាន​រឿងហេតុ​បែបនេះ កើតឡើង​សោះឡើយ​។​

​លោក Chik បាន​និយាយថា ប្តី​ប្រពន្ធ និង​កូនប្រុស​របស់​ពួកគេ​ទាំងពីរ​នាក់ បានរស់នៅ​ក្បែរ​គាត់​តែ ២ ខែ​ប៉ុណ្ណោះ ហើយ​ត្រូវបាន​គេ​និយាយថា ពួកគេ​ធ្លាប់​រស់នៅ Jertuh, Terengganu​។​

​ជាមួយគ្នានេះដែរ អធិការ​ប៉ូលិស​ស្រុក Pasir Puteh លោក Mohd Azmir Damiri បាន​និយាយថា លោក​បានទទួល​ទូរស័ព្ទ​អំពី​ហេតុការណ៍​នេះ​នៅ​ម៉ោង ១០ និង ៣០ នាទី​ព្រឹក​។​

​លោក​បាន​និយាយថា “​ការពិនិត្យ​ដំបូង​បាន​បង្ហាញថា មាន​ស្នាមរបួស​ចំនួន​ពីរ​កន្លែង នៅលើ​ខ្លួន និង​ស្នាម​ដាច់​ជុំវិញខ្លួន និង​ដៃ​ខាងស្តាំ​របស់​ជនរងគ្រោះ​” ។​

​អាវុធ​មុត​ស្រួច (​កាំបិត​) ដែល​ជនសង្ស័យ​ប្រើ ក៏ត្រូវ​បាន​រកឃើញ​នៅ​កន្លែងកើតហេតុ​ផងដែរ​។​

​ទោះយ៉ាងណា ជនសង្ស័យ​ត្រូវបាន​ចាប់ខ្លួន​នៅ​ម៉ោង ៣ រសៀល នៅ​ម្តុំ​តំបន់ Kota Bharu ហើយនឹង​ត្រូវ​ស៊ើបអង្កេត​នៅ​ថ្ងៃទី ១៨ ខែមិថុនា ឆ្នាំ​២០២០៕

​ប្រែ​សម្រួល​៖ លឹម ហុង (​ប្រភព​៖ worldofbuzz)​