ភ្នំពេញ៖ ជឿជាក់ថា ប្រិយមិត្តជាច្រើន ប្រហែលជានៅចាំបានហើយ ក្មេងប្រុសម្នាក់ឈ្មោះ ធី (ហៅអាសី) ដែលមានសំឡេង និងច្រៀងពីរោះដូចទៅនឹងតារាចម្រៀងកញ្ញា សុខ ពិសី អ៊ីចឹង ដែលបានធ្វើឲ្យអ្នកប្រើប្រាស់បណ្តាញសង្គមចាប់អារម្មណ៍ និងភ្ញាក់ផ្អើលយ៉ាងខ្លាំងមែនទែន កាលពីឆ្នាំ២០១៦ កន្លងមក។
ទោះយ៉ាងណា ក្រោយបាត់មុខល្បីមួយរយៈធំ ពេលថ្មីៗនេះ អតីតរបស់ក្មេងប្រុសរូបនេះបានធ្វើឲ្យគ្រប់គ្នា ជាពិសេហ្វេនៗផ្ទុះការភ្ញាក់ផ្អើលជាថ្មី ក្រោយបានឃើញរូបគេធំពេញរូបពេញរាង ជាពិសេសនោះបានប្រែទៅជាមនុស្សស្រីដែលមានសម្រស់ស្រស់ស្អាតប្លែក មើលសឹងតែមិនស្គាល់តែម្តង។
យ៉ាងណាមិញ វត្តមានជាមួយមុខមាត់ថ្មីស្ទើរពុំជឿនឹងភ្នែករបស់សី គឺបានធ្វើឲ្យផ្ទះការចាប់អារម្មណ៍បន្ទាប់ពីហ្វេសប៊ុកមួយឈ្មោះ Make Over បានបង្ហោះរូបភាពអតីត និងរូបបច្ចុប្បន្នរបស់ ធី ហៅសី ឲ្យឃើញ ដោយព្រមទាំងភ្ជាប់សារបញ្ជាក់យ៉ាងខ្លីថា៖ «អាសីធំហើយ! សម្រស់អូនក៏ប្តូរច្រើនដែរ!» ។
ជាក់ស្តែង ថ្មីៗនេះផងដែរនៅថ្ងៃទី ១៩ ខែមិថុនា ឆ្នាំ ២០២០ បើតាមការផ្សាយរបស់សារព័ត៌មានក្នុងស្រុកមួយ ពិសីតូច បាននិយាយថា ពេលនេះរូបគេបានក្លាយជាស្រីបានពាក់កណ្តាលហើយ ដោយថ្មីៗនេះទើបកែដើមទ្រូងរួច ប៉ុន្តែ ល្វែងខាងក្រោមនៅជាប្រុសនៅឡើយ។ ទោះយ៉ាងណា ពិសីតូចទី២ ក៏បានបញ្ជាក់ថា នឹងត្រូវប្តូរភេទទៅជាស្រីពេញលេញឲ្យបានឆាប់ៗខាងមុខនេះនៅក្រៅប្រទេស ប្រសិនបើ Covid-19 ពុំរាំងស្ទះ៕ ដោយ៖ លឹម ហុង
