Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

រន្ធត់​ណាស់​! ស្ត្រី​ម្នាក់​រត់​ប្រញាប់​ពេក ពុំ​ចាប់អារម្មណ៍​ទ្វារ​កញ្ចក់​ធនាគារ បុក​ពេញទំហឹង​បណ្តាល​ឲ្យ​ធ្លាក់ បង្ក​គ្រោះថ្នាក់​ស្លាប់​ភ្លាមៗ (​វីដេអូ​)

spot_img

​នេះ​ជាហេតុ​ការណ៍​ដ៏​រន្ធត់​មួយ ដែល​បាន​កើតឡើង​កាលពី​ថ្ងៃទី​១៥ ខែមិថុនា ឆ្នាំ​២០២០ នៅ​ធនាគារ​មួយកន្លែង​នៅ Perumbavoor ប្រទេស​ឥណ្ឌា ទីកន្លែង​ដែល​ស្ត្រី​ម្នាក់​អាយុ ៤៣ ឆ្នាំ បាន​រត់​បុក​ទ្វារ​កញ្ចក់ និង​បណ្តាល​ឲ្យ​បែក​បង្ក​គ្រោះថ្នាក់​ឡើង​ដ៏​មិន​នឹកស្មាន​។​

​សារព័ត៌មាន Times of India បាន​រាយការណ៍​ថា ស្ត្រី​ឈ្មោះ Beena បាន​រត់​យ៉ាង​ប្រញាប់​ចេញពី​ក្នុង​ធនាគារ ដើម្បី​យក​កូនសោរ​ពី​រថយន្ត​របស់​នាង ប៉ុន្តែ នាង​ស្រាប់តែ​បាន​បុក​នឹង​កញ្ចក់ទ្វារ បណ្តាល​ឲ្យ​កញ្ចក់​ធ្លាក់​ត្រូវ​ក្បាល​រងរបួស​ធ្ងន់ធ្ងរ​តែម្តង​។

​ប៉ូលីស​ក្នុង​តំបន់​បាន​ប្រមូលយក​រូបភាព​ពី​វីដេអូ​កាមេរ៉ា​សុវត្ថិភាព ហើយ​បានឃើញ​ពី​ខណៈពេលដែល​ជនរងគ្រោះ បាន​រត់​បុក​ទ្វារ ហើយ​កញ្ចក់​ក៏បាន​ធ្លាក់​បែកខ្ញែក​ទៅលើ​ដី គ្របដណ្តប់​លើ​នាង​តែម្តង​។ Beena ភ្លាមៗ​នោះ ក្រោកឈរ និង​រន្ធត់​ចំពោះ​ហេតុការណ៍​ដែល​បាន​កើតឡើង​ចំពោះ​ខ្លួន​។​

​នៅក្នុង​វីដេអូ គេ​បានឃើញ​អតិថិជន​ម្នាក់​ក្នុងចំណោម​២​នាក់ ដែល​កំពុង​អង្គុយ​នៅ​កៅអី​រង់ចាំ បាន​ភ័យ​តក់ស្លុត​យ៉ាងខ្លាំង នៅពេល​ស្ត្រី​នោះបាន​បុក​នឹង​ទ្វារ​កញ្ចប់​។ ទោះយ៉ាងណា ភ្លាមៗ​នោះ​ផងដែរ គេ​ក៏​បានឃើញ​មនុស្ស​ជាច្រើន​នៅក្នុង​ធនាគារ បាន​ក្រោក​ឡើង​ស្ទុះ​ទៅ​ជួយ និង​គ្រា​នាង​ឲ្យ​អង្គុយ​លើ​កៅអី ហើយ​បន្ទាប់មក បាន​ទូរស័ព្ទ​ហៅ​រថយន្ត​សង្គ្រោះបន្ទាន់​។​

​ហេតុការណ៍​ដ៏​រន្ធត់​នេះ បាន​បង្ក​ឲ្យ​មានការ​ភ្ញាក់ផ្អើល​មនុស្ស​ម្នា​ជាច្រើន​នៅ​ខាងក្រៅ ចូល​មកជួយ​ផងដែរ ។ នៅពេលនោះ ដោយ​មើលឃើញថា ជនរងគ្រោះ​កំពុង​ហូរឈាម​យ៉ាងច្រើន​នៅលើ​កម្រាល ពួកគេ​ក៏បាន​យក​ក្រណាត់​មក​រុំ​នាង ខណៈ​រង់ចាំ​រថយន្ត​សង្គ្រោះ​មកដល់​។​

​ជា​អ​កុស​កល ដោយសារតែ​របួសធ្ងន់​ធ្ង​រ ហើយ​ឈាម​ហូរ​ខ្លាំងពេក ទីបំផុត នាង​ក៏បាន​ស្លាប់​ពេល​បញ្ជូន​មកដល់​មន្ទីរ​ពេទ្យ​។​

​ជុំវិញ​ករណីនេះ​ផងដែរ អ្នកលេង​អ៊ីនធឺណិត​មួយចំនួន​បានលើកឡើង​ថា ធនាគារ​មិនបាន​គោរព​តាម​វិធានការ​សុវត្ថិភាព ដោយ​ប្រើ​ទ្វារ​កញ្ចក់​ដែលមាន​តម្លៃថោក ដែលជា​មូលហេតុ​ធ្វើឱ្យ​ងាយ​បែក​បង្ក​គ្រោះថ្នាក់​បែបនេះ​៕

​ប្រែ​សម្រួល​៖ លឹម ហុង (​ប្រភព​៖ worldofbuzz)

spot_img
×