នារីជនជាតិថៃម្នាក់អាយុ ២៣ ឆ្នាំ បានរន្ធត់ចិត្តយ៉ាងខ្លាំង បន្ទាប់ពីស្វា១ក្បាលបានលួចយកខ្សែកមាសរបស់នាង ខណៈនាងកំពុងស្វែងរកវាទាំងក្តីអស់សង្ឃឹម នៅក្នុងតំបន់ទេសចរណ៍ Khao Sammuk ស្ថិតនៅក្នុងខេត្ត ឈុនបូរី កាលពីថ្ងៃទី២២ ខែមិថុនា ឆ្នាំ២០២០ ។
កាសែតជាភាសាថៃ baansuann បានរាយការណ៍ថា ក្រុមអ្នកស្ម័គ្រចិត្ត បានធ្វើការឆែកឆេរពេញក្នុងតំបន់ និងទីបំផុតរកឃើញខ្សែកមួយខ្សែនៅខាងក្រោមដើមឈើ១ដើម ហើយនារីដែលបាត់របស់ឈ្មោះ Erin Niamtang បានថ្លែងអំណរគុណដល់ក្រុមជួយស្វែងរកផងដែរ។
នាងបាននិយាយថា៖ «ខ្ញុំបានដាក់កាតាបស្ពាយរបស់ខ្ញុំ នៅលើតុក្រោមដើមឈើ ហើយបានដើរលេងជាមួយមិត្តភក្តិរបស់ខ្ញុំ។ តែខ្ញុំមិននឹកស្មានថា សត្វស្វានឹងឆែកឆេរកាតាបខ្ញុំ ហើយយកខ្សែកមាសរបស់ខ្ញុំបែបនេះទេ»។
ក្រោយហេតុការណ៍នេះបានកើតឡើង មន្ត្រីទេសចរណ៍ Khao Sammuk បានចេញការព្រមានដល់ភ្ញៀវទេសចរអំពីសត្វស្វា៕
ប្រែសម្រួល៖ លឹម ហុង (ប្រភព៖ baansuann)
