បន្ទាយមានជ័យ ៖ រម៉ូតូ២គ្រឿង បានបើកទៅបុកគោ កាលពីម៉ោង៦ល្ងាច ថ្ងៃទី២៨ ខែមករា ឆ្នាំ២០១៨ ស្ថិតក្នុងភូមិអូរអំពិល ឃុំទួលឡពង្រ ស្រុកម៉ាឡៃខេត្ត បន្ទាយមានជ័យ បណ្តាលអោយគោក៏ងាប់ មនុស្សក៏ស្លាប់ និងរបួស។
លោកបេន សំអាត អធិការនគរបាលស្រុកម៉ាឡៃអោយដឹងថា ៖ មានម៉ូតូ២គ្រឿង ៖ ១ម៉ាក MSX ណព៌ខៀវ-ខ្មៅ ស៊េរីឆ្នាំ ២០១៦ គ្មានស្លាកលេខ បើកដោយឈ្មោះ កង ភឿន ភេទប្រុសអាយុ២០ឆ្នាំ និង ២មានឈ្មោះកង គង់ ភេទប្រុស អាយុ ២៧ឆ្នាំ បើកម៉ូតូម៉ាក កាវ៉ាសាគី (kawasaki) សេរីឆ្នាំ ២០១៨ ពណ៌ក្រហមខ្មៅ ពាក់ស្លាកលេខ 1N-7828 ។ អ្នកទាំងពីររស់នៅភូមិទួលពង្រ ឃុំទួលពង្រ ស្រុកម៉ាឡៃ ខេត្ត បន្ទាយមានជ័យ។ ម៉ូតូទាំង ២គ្រឿង បានបើកពីមុខនិងក្រោយគ្នាក្នុងល្បឿនលឿន ពីលិចទៅកើត លុះបើកមកដល់ចំណុចកើតហេតុនោះ ស្រាប់តែមានសត្វគោ១ក្បាលដើរឆ្លើងកាត់ផ្លូវ។ ម៉ូតូទាំង ២គ្រឿងក៏បុកគោដែលកំពុងដើរឆ្លងថ្នល់ បណ្តាលឲ្យរបួសធ្ងន់ទាំង២នាក់។ ក្រោយមកបានស្លាប់ម្នាក់។ ជនរងគ្រោះត្រូវបានបងប្អូនដឹកយកទៅសង្គ្រោះព្យាបាលនៅមន្ទីពេទ្យបង្អែក ក្រុងប៉ោយប៉ែត។ ចំណែកម៉ូតូនិងសត្វគោត្រូវបានកម្លាំងសមត្ថកិច្ចយកទៅរក្សារទុកនៅប៉ូលិសប៉ុស្តិ៍ទួលពង្រ៕ ដោយ ៖ បន្ទាយ
