Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

មន្ត្រី​ប៉េអឹម និង​មន្ត្រី​បរិស្ថាន បាញ់​គ្នា​បណ្ដាល​ឱ្យស្លាប់​៣​នាក់ នៅ​តំបន់​អូរ​ហ៊ុ​ច​

spot_img

​ខេត្តមណ្ឌលគិរី ៖ មាន​មនុស្ស​៣​នាក់ បាន​ស្លាប់បាត់​បង់ជីវិត និង​មាន​អ្នក​រង របួស​ជាច្រើន​នាក់​ទៀត ត្រួវបាន​បញ្ជូនទៅ​សង្គ្រោះ​នៅ​មន្ទីរ​ខេត្ដ បន្ទាប់ ពី​មានការ​ផ្ទុះអាវុធ​ដាក់គ្នា​រវាង​មន្ត្រី​ប៉េអឹម និង​មន្ត្រី​បរិស្ថាន​របស់​កម្ពុជា នៅ​ចំណុច​អូរ​ហ៊ុ​ច ស្ថិតក្នុង​ស្រុក​កែវ​សី​ម៉ា ខេត្តមណ្ឌលគិរី ។ ករណី​ផ្ទុះអាវុធ​នេះ បាន​កើតឡើង​នៅវេលា​ម៉ោង​ចន្លោះ​៤-៥ ល្ងាច​ថ្ងៃទី​៣០ ខែមករា ឆ្នាំ​២០១៨ នៅ​ចំណុច​ចម្ងាយ​ប្រមាណ​ជា​២៥​គីឡូម៉ែត្រ ពី​ប៉ុស្តិ៍នគរបាល​ការពារ​ព្រំដែន​គោក​អូ​ររ​លែ ស្ថិតក្នុង​ភូមិ​ពូ​ហ្យា​ម ឃុំ​សែន​មនោ​រម្យ ស្រុក​អូររាំង ខេត្តមណ្ឌលគិរី​។​

​ទោះបីជា​យ៉ាងណាក៏ដោយ​រហូតមកទល់​នឹង​ម៉ោង​៨​យប់​ថ្ងៃ​ដដែល​នេះ សមត្ថកិច្ច​បាន​ចុះទៅ​អន្តរាគមន៍​នៅ​កន្លែងកើតហេតុ​ហើយ ប៉ុន្តែ​នៅ​មិនមាន​សេចក្ដីរាយការណ៍​លម្អិត​នៅឡើយ​ទេ ព្រោះ​ជា​តំបន់​ក្រៅ​សេវា​ទូរស័ព្ទ​។​
​ចំណែក​អ្នកនាំពាក្យ​កងរាជអាវុធហត្ថ​លើ​ផ្ទៃ​ប្រទេស ឧ​ត្ត​ម​សេនីយ៍ អេង ហ៊ី បាន​បញ្ជាក់ថា​៖
​ពិតជា​មាន​ករណី​ផ្ទុះអាវុធ​នៅ​តំបន់​អូរ​ហ៊ុ​ច ក្បែរ​ព្រំប្រទល់​កម្ពុជា​-​វៀតណាម ប្រាកដ​មែន ដែល ព័ត៌មាន​ទទួលបាន​បឋម គឺមាន​មនុស្ស​៣ នាក់​បាន​ស្លាប់​នៅនឹងកន្លែង​កើតហេតុ ខណៈ​អ្នករងរបួស​ត្រូវបាន​បញ្ជូនទៅ​សង្គ្រោះបន្ទាន់ នៅ​មន្ទីរ​ខេត្ដ ហើយ​ផងដែរ​។​

​លោក អេង ហ៊ី បានបញ្ជាក់​ទៀតថា​៖ ក្នុងករណីនេះ​មាន មន្ត្រី​ប៉េអឹម​ម្នាក់ និង​មន្ត្រី​បរិស្ថាន​ម្នាក់ បាន​ស្លាប់​ភ្លាមៗ ក្នុង​ហេតុការណ៍​អាវុធ​រវាង​មន្ត្រី​ទាំងពីរ​អង្គភាព​។ បញ្ហា​នេះ​លោក​មិនអាច លម្អិត​ពី​មូលហេតុ​នៃ​ការផ្ទុះអាវុធ​នេះ​ទេ ព្រោះ​កន្លែងកើតហេតុ​ជា​តំបន់​ក្នុងព្រៃ​ជ្រៅ គ្មាន​សេវា​ប្រព័ន្ធ​ទូរស័ព្ទ​។​

​ក្នុងនោះ​គណៈកម្មការ​មួយ​នឹងត្រូវ​បង្កើតឡើង​នៅពេល​ដ៏​ខ្លី​ខាងមុខនេះ​ផងដែរ ដើម្បី​ធ្វើការ​ស៊ើបអង្កេត​លើ ករណីនេះ​។ បើតាម​អ្នកនាំពាក្យ​ប៉េអឹម​ផ្ទៃ​ប្រទេស នាយ​ឧ​ត្ត​ម​សេនីយ៍ សៅ សុខា អគ្គមេបញ្ជាការ​រង​ក​ង​យោធពលខេមរភូមិន្ទ និង​ជា​មេបញ្ជាការ​កង រាជ​អាវុធហត្ថ​លើ​ផ្ទៃ​ប្រទេស នឹង​ធ្វើជា​ប្រធាន​គណៈ កម្ម​ការ​ពិសេស​នេះ​។​

​ជាមួយគ្នានេះ​បើ​យោងតាម​ប្រ​ភ​ពី​សមត្ថកិច្ច​ខេត្តមណ្ឌលគិរី ឲ្យ​ដឹងថា ៖ ករណី​ខាងលើនេះ​កើតឡើង​ដោយ​មន្ត្រី​បរិស្ថាន និង​មន្ត្រី​អាវុធហត្ថ បាញ់​គ្នា​បណ្ដាល​ឲ្យ​មនុស្ស​៣​នាក់​បាន​ស្លាប់ ខណៈ​ប្រជាពលរដ្ឋ ដែលជា​អ្នកបកប្រែ និង​ជា​ប្រជាពលរដ្ឋ​ក្នុង​សហគមន៍​រងរបួស​ធ្ងន់ ហើយ ត្រូវបញ្ជូន​មកកាន់​មន្ទីរពេទ្យបង្អែក​ខេត្ត នៅវេលា​ម៉ោង​៧ និង​៤៥​នាទី​យប់ ថ្ងៃទី​៣០ ខែមករា ឆ្នាំ​២០១៨ ត្រង់ចំណុច​ប៉ុស្តិ៍​អូររាំង ដែល​ស្ថិតនៅតាម​ក្រវ៉ាត់​ព្រំដែន ក្នុងស្រុក​កែវ​សី​ម៉ា ខេត្តមណ្ឌលគិរី​។​

​ចំ​ណែ​ប្រភព​មួយចំនួន​នៅ​ជំវិញ​កន្លែងកើតហេតុ​បាន​ឲ្យ​ដឹងថា មុន​កើតហេតុ​៣​ម៉ោង មន្ត្រី​បរិស្ថាន ដែល​បាន​ស្លាប់​នោះ បាន​ទូរស័ព្ទ​មកកាន់​ប្រធាន​ប៉ុស្តិ៍​អូររាំង ផ្នែក​បរិស្ថាន ប៉ុន្តែ​មិនបាន​លើក​ទូរស័ព្ទ ក្រោយមក​ក៏មាន​ហេតុការណ៍​ផ្ទុះអាវុធ​នេះ​កើតឡើង ដូច្នេះ​គេ​ពុំ​ដឹងថា ការផ្ទុះអាវុធ​នេះ​ផ្តើមឡើង​ដោយ​បញ្ហា​អ្វី​នោះឡើយ​។​
​ពាន់​ព័ន្ធ​ករណី​ផ្ទុះអាវុធ​រហូត​មាន​អ្នកស្លាប់​៣​នាក់​នោះ​គ្មានអ្វី​ក្រៅពី​ទំនាស់​ផល​បករ​យោ​ជ​ន៌ ដោយ​តំបន់​ខាង​ជា​កន្លែង​ច្រ​ចេញ​ឈើ​ខ្ស​ច្បាប់​ញឹកញាប់​។​

​យោង​របាយការណ៍​រប​ស់​នគរបាល​ខេត្តមណ្ឌលគិរី ៖ ករណី​ផ្ទុះអាវុធ​នេះ​កើតឡើង​រវាង​កម្លាំង​អាវុធហត្ថ និង​មន្ត្រី​បរិស្ថាន ជាមួយ​កម្លាំង​នគរបាល​ការពារ​ព្រំដែន​ស្លាប់​៣​នាក់ (​មន្ត្រី​អាវុធហត្ថ និង​មន្ត្រី​បរិស្ថាន និង​ម្នាក់​ជា​បុគ្គលិក​របស់​អង្គការក្រៅរដ្ឋាភិបាល​)​។ ជនរងគ្រោះ​ទាំង​៣​នាក់​រួមមាន​៖ ទី​១៖ ឈ្មោះ សេក វ​ឌ្ឍ​នា ជា​មន្ត្រី​អាវុធហត្ថ ទី​២៖ ឈ្មោះ កើត សុខ​ណៃ ជា​មន្ត្រី​ឧ​ទ្យា​នុ​រក្ស នៃ​មន្ទីរ​បរិស្ថាន និង​ទី​៣៖ បុគ្គលិក​របស់​អង្គការក្រៅរដ្ឋាភិបាល (​មិនទាន់​ស្គាល់​អត្តសញ្ញាណ​នៅឡើយ​) ៕​ ដោយ​៖​បញ្ញា​ស័ក្តិ​

spot_img
×